կարևոր
2995 դիտում, 2 ամիս առաջ - 2022-03-03 12:01

Ոչնչացվել է Կիևի մերձակայքում ռեզերվային տեխնոլոգիական ռադիոհեռուստակենտրոնը. իրավիճակն՝ ամփոփ

Ոչնչացվել է Կիևի մերձակայքում ռեզերվային տեխնոլոգիական ռադիոհեռուստակենտրոնը. իրավիճակն՝ ամփոփ

Իրավիճակը ռուս-ուկրաինական հակամարտության տարածքներում. ամփոփ

  • Նախորդ գիշեր Կիևում և Ուկրաինայի մյուս քաղաքներում միացվել է օդային տագնապի ազդանշանը։ Ականատեսները նշում են, որ վերջին 24 ժամվա ընթացքում ռուսական կողմից հրթիռահրետակոծությունն էականորեն մեծացել է։ 
  • Կիևում մի քանի պայթյուն է տեղի ունեցել։ 
  • Խերսոնի քաղաքապետ Իգոր Կոլիխաևը հայտարարել է, որ ռուսական զորքերը մտել են քաղաք, բայց այն մնում է ուկրաինական դրոշի տակ։
  • Խարկովում շարունակվում է հրթիռակոծությունը։ Նշվում է տասնյակ վիրավորների և զոհերի մասին։

ՌԴ պաշտպանության նախարարության՝ այսօր առավոտյան հայտնած տվյալների համաձայն.

  • Բալակլեա քաղաքն ազատագրվել է, 
  • Ռուսական զորքերը վերահսկողության տակ են վերցրել Չիստոպոլյեն, Նովոպոլտավկան, Ժովտնեվոյեն։
  • ՌԴ-ի զինված ուժերը գերճշգրիտ զենքերով ոչնչացրել են Կիևի Լիսայա Գորա շրջանում գտնվող ռեզերվային տեխնոլոգիական ռադիոհեռուստակենտրոնը։
  • Դոնեցկի զինված ուժերի ստորաբաժանումները վերահսկողության տակ են վերցրել Վինոգրադնոյե, Վոդյանոյե, Սարտակա բնակավայրերը և նեղացրել Մարիուպոլի շուրջ ձևավորած օղակը։
  • Լուգանսկի զորքերը մեկ օրում առաջ են շարժվել 4 կմ և դուրս են եկել Կրասնի Լիման-Պրիվոլյե-Սևերոդոնեցկի սահմանագիծ:
  • Ռուսաստանի զինված ուժերը Ուկրաինայում ցամաքում ոչնչացրել են 49 ինքնաթիռ, իսկ օդում՝ 13 ինքնաթիռ։
  • «Ռազմական գործողության» ողջ ընթացքում խոցվել է ուկրաինական 1612 ռազմական օբյեկտ, այդ թվում 62 ինքնաթիռ, 606 տանկ և այլ զրահամեքենա, համազարկային կրակի 67 ռեակտիվ համակարգ, դաշտային հրետանու և ականանետերի 227 միավոր, 53 անօդաչու թռչող սարքավորում։

Ուկրաինայի զինված ուժերի գլխավոր շտաբի առավոտյան հայտարարության համաձայն՝

  • Ռուսական զորքերը խոշոր քաղաքներում շարունակում են բնակելի թաղամասերի հրթիռակոծումը,
  • Զոլոչև, Խարկով, Բալակլեա քաղաքների շրջաններում ընթանում է հարձակողական գործողություն։ Մարտեր են ընթանում Էներգոդարի շրջանում։
  • Սև ծովի ավազանում նկատվում է ռուսական նավատորմի դեսանտային ուժերի շարժ։

❗️ Երկիր մեդիան փոխանցում է միայն պաշտոնական տվյալները, առանց հավելյալ ստուգման։ Այլ լրատվամիջոցներից ներկայացված տվյալները համադրվում են կողմերի՝ պաշտոնապես ներկայացված տեղեկությունների հետ, նոր միայն հրապարակվում են: