կարևոր
2362 դիտում, 3 ամիս առաջ - 2022-03-01 18:31

Այստեղ անադեկվատության լուրջ էլեմենտ եմ տեսնում. Աննա Դանիբեկյանը կրկին մերժեց Արմեն Գևորգյանին

Այստեղ անադեկվատության լուրջ էլեմենտ եմ տեսնում. Աննա Դանիբեկյանը կրկին մերժեց Արմեն Գևորգյանին

Երևան քաղաքի ընդհանուր իրավասության դատարանը՝ դատավոր Աննա Դանիբեկյանի նախագահությամբ, մերժեց «Հայաստան» խմբակցության պատգամավոր Արմեն Գևորգյանի միջնորդությունը թույլ տալ բացակայել ՀՀ տարածքից։  Հիշեցնենք, որ Գևորգյանը տեղեկացրել է դատարանին, որ մարտի 14-15-ին տեղի են ունենալու Եվրախորհրդարանի խորհրդարանական վեհաժողովի արտահերթ լիագումար նիստեր՝ կապված Ուկրաինայում ստեղծված իրավիճակի հետ։

Գևորգյանը խնդրել է դատավորին, հերթական դատական նիստը նշանակելիս, հաշվի առնել որ այդ օրերին նա մասնակցելու է ԵԽԽՎ նիստերին և չի կարող ներկայանալ դատարան։ Դատարանը գտավ, որ ընդդիմադիր պատգամավորը կարող է առցանց մասնակցել այդ նիստերին և թույլ չտվեց նրան մեկնել Ստրասբուրգ։

«Քանի որ միշտ իմ անցած ճանապարհով հարգանք եմ տածել պետական կառույցների նկատամբ, չէի ուզենա  որևէ կերպ մեկնաբանել դատավորի գործողությունները՝  հաշվի առնելով,  որ դրանք ինչ-որ տեղ իմաստազուրկ են, անհասկանալի,  ապօրինի։ Այստեղ անադեկվատության լուրջ էլեմենտ եմ տեսնում, որովհետև անհասկանալի  է  այս  ամենը։ Եթե դատավորը ինքը չի  մտածում դատական իշխանության հեղինակության, վարկանիշի մասին, դրա հետ մեկտեղ  փորձում է վարկաբեկել պետական այլ  ինստիտուտներ, մասնավորապես՝  ԱԺ-ն , այս դեպքում դատական  իշխանության ներկայացուցիչներն իրենք պետք է մտածեն, թե իրենց շարքերում ովքեր են աշխատում։ Ես այս պահի դրությամբ ԱԺ պատգամավոր եմ  ԵԽԽՎ անդամ եմ,  ունեմ սահմանադրական լիազորություններ, պարտականություններ»,-ասաց  «Հայաստան» խմբակցության պատգամավոր Արմեն Գևորգյանը՝ Երևան քաղաքի ընդհանուր իրավասության դատարանի դատավոր Աննա Դանիբեկյանի որոշման մասին։