կարևոր
5863 դիտում, 2 ամիս առաջ - 2022-03-01 11:15

Սլավոնական համալսարանը կընդունի Եվրոպայում ճնշման ենթարկված ռուսաստանցի ուսանողներին. ռեկտոր

Սլավոնական համալսարանը կընդունի Եվրոպայում ճնշման ենթարկված ռուսաստանցի ուսանողներին. ռեկտոր

Հայ–ռուսական համալսարանը (ՀՌՀ) պատրաստ է ընդունելու Ուկրաինայի դեպքերի պատճառով Եվրոպայում ճնշումների ենթարկվող ռուսաստանցի ուսանողներին։ Այդ մասին հայտնել է ՀՌՀ ռեկտոր Արմեն Դարբինյանը։

«Պաշտոնապես հայտարարում եմ, որ Հայ-ռուսական համալսարանը պատրաստ է ընդունել վերջին իրադարձությունների կապակցությամբ Եվրոպայում ճնշման ենթարկված ռուսաստանցի ուսանողներին... Անթույլատրելի է կրթական համակարգը ներքաշել աշխարհաքաղաքական խաղերի մեջ։ Կրկնակի ցավալի է, եթե նման բան են թույլ տվել Եվրոպայում», – գրել է նա Facebook–ի իր էջում։

Դարբինյանը նշել է, որ կոնկրետ առաջարկություններով դիմելու է ՌԴ–ում մարդու իրավունքների հանձնակատար Տատյանա Մոսկալկովային։

Ավելի վաղ ՌԴ գիտության և կրթության նախարարությունը հայտարարել էր, որ արտասահմանյան բուհերից հեռացվող և իրենց իրավունքների ոտնահարման հետ բախվող ուսանողներն անվճար կշարունակեն ուսումը Ռուսաստանի առաջատար համալսարաններում։