կարևոր
3403 դիտում, 3 ամիս առաջ - 2022-02-28 18:36

Առաջիկա քառօրյայում խորհրդարանը քննարկելու է հանրապետության նախագահի թեկնածությունը

Առաջիկա քառօրյայում խորհրդարանը քննարկելու է հանրապետության նախագահի թեկնածությունը

Փետրվարի 28-ին կայացել է ՀՀ Ազգային ժողովի խորհրդի հերթական նիստը, որում հաստատվել են ութերորդ գումարման երրորդ նստաշրջանի եւ մարտի 1-ին գումարվող հերթական նիստերի օրակարգերի նախագծերը, սահմանել են նաեւ հերթական նիստերի օրակարգային հարցերի քննարկման հաջորդականությունը:

Մարտի 1-ին գումարվող հերթական նիստերի օրակարգի նախագծում ընդգրկվել է 29 հարց: Դրանց թվում են Հանրապետության նախագահի, Հաշվեքննիչ պալատի նախագահի և Կենտրոնական բանկի խորհրդի անդամի թեկնածուների ընտրության հարցերը: 

Հանրապետության նախագահի թեկնածուի ընտրությունը նախատեսված է անցկացնել մարտի 2-ի առաջին հիմնական նիստում:

Հիշեցնենք, որ «Քաղաքացիական պայմանագիր» իշխող խմբակցությունը ՀՀ նախագահի թեկնածու է առաջադրել Վահագն Խաչատուրյանին: Ընդդիմությունը հրաժարվել է նախագահի թեկնածուի առաջադրումից և նշել, որ չի մասնակցելու քվեարկությանը:  

Խորհրդի որոշմամբ փոփոխություն է կատարվել Ազգային ժողովի խորհրդի 2017 թվականի մայիսի 26-ի ԱԺԽՈ-002-Լ որոշման մեջ, ըստ որի` ԱԺ պաշտպանության եւ անվտանգության հարցերի մշտական հանձնաժողովի փորձագետների թիվն ավելացել է եւս մեկով: