կարևոր
3508 դիտում, 2 ամիս առաջ - 2022-02-28 15:40

Գլխավոր շտաբի պետի պարտականությունները ժամանակավորապես կկատարի առաջին տեղակալը

Գլխավոր շտաբի պետի պարտականությունները ժամանակավորապես կկատարի առաջին տեղակալը

ՀՀ Զինված ուժերի Գլխավոր շտաբի պետի ժամանակավոր պաշտոնակատարի պարտականությունները դրվել է ԶՈւ գլխավոր շտաբի պետի առաջին տեղակալ Կամո Քոչունցի վրա: Այս մասին հայտնում են Պաշտպանության նախարարությունից: 

2021թ. սեպտեմբերի 13-ին գեներալ-լեյտենանտ Քոչունցը նշանակվել է ՀՀ ԶՈՒ ԳՇ պետի առաջին տեղակալ: 1992թ.-ից ՀՀ Զինված ուժերում զբաղեցրել է տարբեր ղեկավար պաշտոններ: 2000թ. հունիսի 9-ին
նշանակվել է ԶՈՒ գլխավոր շտաբի պետի տեղակալ: 2002թ. հունվարից զբաղեցրել է Զինված ուժերի գլխավոր շտաբի օպերատիվ վարչության պետ - գլխավոր շտաբի պետի տեղակալ: 2003թ. սեպտեմբերի 20-ին նրան շնորհվել է «գեներալ–մայոր» զինվորական կոչում:

2007թ. հուլիսի 20-ին նշանակվել է ՀՀ զինվորական կոմիսար: Երկու տարի անց նշանակվել է ԶՈՒ 4–րդ բանակային կորպուսի հրամանատար:, իսկ 2010-ին՝ 5–րդ բանակային կորպուսի հրամանատար: 

2013թ. հունիսի 10-ից ԳՇ կազմ­զորահավաքային վարչության պետ է եղել մինչև 2021 թվականը:

Հիշեցնենք, որ փետրվարի 24-ին նախագահի պարտականությունները ժամանկավորապես կատարող Ալեն Սիմոնյանի հրամանով նախ պաշտոնից ազատվեց Գլխավոր շտաբի պետ Արտակ Դավթյանը, ապա նույն օրը հետևեցին մի շարք պաշտոնանկություններ և նշանակումներ