կարևոր
3484 դիտում, 4 ամիս առաջ - 2022-02-28 11:02

Փոխանցումների հետ կապված որոշ սահմանափակումներ կան. Կենտրոնական բանկի պարզաբանումը

Փոխանցումների հետ կապված որոշ սահմանափակումներ կան. Կենտրոնական բանկի պարզաբանումը

Ներկա իրավիճակում ՎՏԲ-Հայաստան բանկի ծառայությունները և գործիքները հաճախորդներին հասանելի են լինելու ամբողջությամբ, բացառությամբ փոխանցումների հետ կապված որոշ սահմանափակումների։ Հայտնում է ՀՀ կենտրոնական բանկը։

ԿԲ-ն հիշեցնում է, որ Հայաստանում գործող «ՎՏԲ-Հայաստան բանկ» ՓԲԸ-ն ստեղծված է ՀՀ օրենսդրությամբ, կարգավորվում ու վերահսկվում է ՀՀ Կենտրոնական բանկի կողմից։

«ՎՏԲ-Հայաստան բանկն ունի բավարար իրացվելիություն և կապիտալ սպասարկելու իր բոլոր պարտավորությունները։ Բանկին հասանելի են նաև Կենտրոնական բանկի կողմից իրացվելիության տրամադրման մշտական հնարավորության գործիքները»- ասված է Կենտրոնական բանկի հայտարարության մեջ։

Նշենք, որ Արևմուտքի կողմից ՌԴ–ի նկատմամբ վերջին պատժամիջոցների փաթեթում հայտնվել է նաև ՎՏԲ ռուսական բանկը։