կարևոր
3961 դիտում, 3 ամիս առաջ - 2022-02-26 12:51

Տեսանյութում հստակ լսվում են ադրբեջանցիների՝ հայերեն սպառնալիքներն՝ ուղղված խրամորթցիներին

Տեսանյութում հստակ լսվում են ադրբեջանցիների՝ հայերեն սպառնալիքներն՝ ուղղված խրամորթցիներին

Արդեն երկրորդ օրն է թշնամին, որ GPS֊ով Խրամորթի մատույցներում է հիմա, բարձրախոսներով, ի դեպ, գրական հայերենով, բնակիչներին սպառնում է, որ եթե խաղաղ ճանապարհով չթողնեն գյուղը, ստիպված կլինեն ուժ կիրառել։

Արցախի Ասկերանի շրջանի Խրամորթի գյուղապետի խոսքով` միջադեպի մասին տեղյակ են ռուս խաղաղապահները, բանակցություններ են ընթանում նման միջադեպերը բացառելու համար:

Ի դեպ հայկական կողմից պաշտոնական որևէ արձագանք դեռևս չկա:   

Հիշեցնենք, որ մեկ այլ միջադեպ էլ Խրամորթում  տեղի էր ունեցել փետրվարի 16-ին: Ադրբեջանական զինված ուժերն զենքի սպառնալիքով, վռնդել են Խրամորթ գյուղի վարչական տարածքի խաղողի այգիներում գյուղատնտեսական աշխատանքներ կատարող գյուղացիներին: 

Հիշեցնենք նաեւ, որ փետրվարի 15-ին, ժամը 15:30-ի սահմաններում Ասկերանի շրջանի Խրամորթ համայնքի հարևանությամբ ամրակայված ադրբեջանական դիրքից հրազենով կրակ են բացել նույն համայնքի վարչական տարածքում տեղակայված վարելահողում տրակտորով գյուղատնտեսական նշանակության աշխատանքներ կատարող անձանց ուղղությամբ, ինչի հետևանքով խոցվել է տրակտորը, իսկ քաղաքացիներին հաջողվել է փրկվել ռուս խաղաղապահների միջամտության շնորհիվ: