կարևոր
2653 դիտում, 4 ամիս առաջ - 2022-02-24 15:02

Գլխավոր շտաբի պետն ազատվել է պաշտոնից Փաշինյանի առաջարկով

Գլխավոր շտաբի պետն ազատվել է պաշտոնից Փաշինյանի առաջարկով

ՀՀ նախագահի լիազորությունները կատարող Ալեն Սիմոնյանի հրամանագրով, Արտակ Դավթյանն ազատվել է Հայաստանի Հանրապետության զինված ուժերի գլխավոր շտաբի պետի պաշտոնից:

«Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի.

Արտակ Դավթյանին ազատել Հայաստանի Հանրապետության զինված ուժերի գլխավոր շտաբի պետի պաշտոնից», - ասված է հրամանգրում:

Հիշեցնենք, որ Դատախազության տարածած հաղորդագրության համաձայն Արտակ Դավթյանը որպես մեղադրյալ է ներգրավված «անորակ հրթիռների» գործով, որում ներգրավված է նաև Պաշտպանության նախկին նախարար Դավիթ Տոնոյանը:

Արտակ Դավթյանը Գլխավոր շտաբի պետի պաշտոնը կրկին ստաձնել էր 2021 մարտին, ըստ կառավարության, իրավունքի ուժով, երբ դադարեցվել էր Օնիկ Գասպարյանի լիազորությունները: 

Նշենք նաեւ, որ Արտակ Դավթյանը ԳՇ պետի պաշտոնում է եղել նաև 2018թ. մայիսի 24-ից մինչև 2020-ի հունիսի 8-ը: