կարևոր
2899 դիտում, 2 ամիս առաջ - 2022-02-24 11:11

Էրդողանը անվտանգության խորհրդում քննարկելու է Ուկրաինային ռազմական օգնություն ցուցաբերելու հարցը

Էրդողանը անվտանգության խորհրդում քննարկելու է Ուկրաինային ռազմական օգնություն ցուցաբերելու հարցը

Թուրքիայում Ուկրաինայի դեսպանությունը պաշտոնական Անկարային կոչ է արել աջակցություն ցուցաբերել Ուկրաինային։

Այս մասին տեղեկանում ենք դեսպանության թվիթերյան էջից, որտեղ մասնավորապես ասված է․

«Ռուսաստանի Դաշնությունը պատերազմ է սկսել Ուկրաինայի դեմ: Ռմբակոծվում են խաղաղ ուկրաինական քաղաքները: Կոչ ենք անում մեր ռազմավարական դաշնակից Թուրքիային ու բարեկամ թուրք ժողովրդին օգնել մեզ այս դժվարին ժամանակներում»։

«DailySabah»-ը հայտնում է, որ Էրդողանը Անվտանգության խորհրդի նիստ է հրավիրում՝ Ուկրաինայում իրադարձությունների հետ կապված

«Սպասվում է, որ հինգշաբթի նախագահ Ռեջեփ Թայիփ Էրդողանը Նախագահական համալիրում Անվտանգության խորհրդի նիստ է գումարելու։ Նիստի ընթացքում գնահատական է տրվելու Ուկրաինայի իրավիճակին։  Հանդիպմանը ներկա կլինեն պաշտպանության նախարար Հուլուսի Աքարը, հրամանատարներ և հետախուզական պաշտոնյաներ: Ակնկալվում է, որ հանդիպումից հետո Թուրքիայի նախագահը հանդես կգա հայտարարությամբ»,- տեղեկացրել է թերթը։

Հիշեցնենք, որ այսօր վաղ առավոտյան Ռուսաստանի նախագահ Վլադիմիր Պուտինը  առավոտյան ժամը 05.50-ին հանդես է եկել ուղերձով՝ հայտնելով Դոնբասում հատուկ ռազմական օպերացիա սկսելու որոշման մասին։

Այս պահի ռազմական ակտիվ գործողություններ են ընթանում Դոնբասում: