կարևոր
4024 դիտում, 4 ամիս առաջ - 2022-02-23 00:18

Անթուլատրելի է դա անել ՀՀ քաղաքացիներին նսեմացնելու գնով. Թագուհի Թովմասյանը` ոստիկանության պահվածքի մասին

Անթուլատրելի է դա անել ՀՀ քաղաքացիներին նսեմացնելու գնով. Թագուհի Թովմասյանը` ոստիկանության պահվածքի մասին

Երևանի «Արմենիա Մարիոթ» հյուրանոցի մոտ հավաքված ակտիվիստների նկատմամբ քիչ առաջ կիրառված ոստիկանական ուժը խիստ անհամաչափ էր իրավիճակին: ՀՀ Ազգային ժողովի «Պատիվ ունեմ» խմբակցության պատգամավոր, Մարդու իրավունքների պաշտպանության եւ հանրային հարցերի մշտական հանձնաժողովի նախագահ Թագուհի Թովմասյանը Ոստիկանության պետի ուշադրությունն է հրավիրում.

«Ադրբեջանցի պատգամավորների ներկայության մասով հայ հասարակության ցասումը 44 օրյա դաժան, հանցանքներով ուղեկցվող պատերազմից հետո խիստ բնական է: Ի՞նչ իմաստ կար ՀՀ քաղաքացիների մասին հավաքի ժամանակ ուղիղ եթերով խոսել «սրան, դրան» ձևակերպումներով:

Ադրբեջանցիների անվտանգության ապահովումը գուցե նաև ձեր աշխատանքն է, բայց անթուլատրելի է դա անել ՀՀ քաղաքացիներին նսեմացնելու գնով:

ՀՀ Ոստիկանապետ Վահե Ղազարյանի ուշադրությունն եմ հրավիրում ոստիկանների ագրեսիվ պահվածքի վրա՝ ակնկալելով կոշտ գնահատական քաղաքացիների նկատմամբ ցուցաբերված անհամարժեք գործողությունների և խոսույթի մասով».- գրել է պատգամավորը:

Հիշեցնենք, որ ժամեր առաջ ՀՀ ոստիկանությունը, ապօրինի և անհամաչափ ուժ կիրառելով, բերման է ենթարկել Հայաստան ժամանած ադրբեջանական պատվիրակության անդամների դեմ խաղաղ ակցիա իրականացրած ՀՅԴ Երիտասարդական միության անդամներին: Բերման է ենթարկվել նաև ակցիան լուսաբանող Երկիր մեդիայի լրագրողը: Այս պահին նրանք դեռ Ոստիկանության կենտրոն բաժանմունքում են: 

Կարմիրբերետավորների բիրտ ուժի կիրռաման հետևանքով բերման ենթարկված աղջիկներից մեկի ձեռքը կոտրվել է: Շտապ օգնության մեքենայով նրան հիվանդանոց են տեղափոխել: