կարևոր
3082 դիտում, 2 ամիս առաջ - 2022-02-22 17:35

Դաշնային խորհուրդը միաձայն վավերացրել է Պուտինի ստորագրած հարամանագրերը

Դաշնային խորհուրդը միաձայն վավերացրել է Պուտինի ստորագրած հարամանագրերը

Ռուսաստանի Դաշնային խորհուրդը վավերացրել է Դոնեցկի և Լուգանսկի Ժողովրդական Հանրապետությունների հետ բարեկամության և համագործակցության պայմանագրերը։ Սենատորները միաձայն պաշտպանել են  այս որոշումը։ Հայտնում է ՌԻԱ Նովոստին: 

Հանրապետությունների սահմանների պաշտպանությունը, ըստ պայմանավորվածությունների, կիրականացվի կողմերի համատեղ ջանքերով՝ ելնելով սեփական անվտանգության, ինչպես նաև խաղաղության և կայունության շահերից։ Այս հարցով առանձին պայմանագիր կկնքվի։

Ռուսաստանի պայմանագրերը Դոնեցկի և Լուգանսկի Ժողովրդական Հանրապետությունների հետ նախատեսում են, որ.

  • կողմերը հաստատում և հարգում են միմյանց սահմանների ամբողջականությունն ու անձեռնմխելիությունը.
  • Կհամագործակցեն ինքնիշխանության և անվտանգության պաշտպանության գործում.
  • Կողմերից մեկին սպառնացող վտանգի դեպքում անհապաղ կխորհրդակցի՝ համատեղ պաշտպանությունն ու խաղաղապահությունն ապահովելու համար.
  • Ձեռնարկել բոլոր միջոցները նման սպառնալիքներին և ագրեսիայի գործողություններին դիմակայելու համար.
  • Կողմերին իրավունք տալ զինված ուժերի կողմից օգտագործելու իրենց տարածքում գտնվող ռազմական ենթակառուցվածքները և ռազմակայանները.

Ավելի վաղ Վլադիմիր Պուտինը ՌԴ ԱԳՆ-ին հանձնարարել էր «գործադիր իշխանության շահագրգիռ դաշնային մարմինների մասնակցությամբ բանակցություններ վարել» ԴԺՀ-ի եւ ԼԺՀ-ի հետ «Բարեկամության, համագործակցության եւ փոխադարձ օգնության մասին պայմանագրի նախագծի նախապատրաստման շուրջ եւ սահմանված կարգով առաջարկություն ներկայացնել այն ստորագրելու վերաբերյալ»։

Դոնեցկի եւ Լուգանսկի ժողովրդական հանրապետությունների ճանաչումը «որպես ինքնիշխան եւ անկախ պետություն» հրամանագրում հիմնավորված է ԴԺՀ-ի եւ ԼԺՀ-ի «ժողովրդի կամարտահայտությամբ եւ «Մինսկի համաձայնություններին համապատասխան հակամարտության խաղաղ կարգավորումից Ուկրաինայի հրաժարումով»:

Ռուսաստանի նախագահ Վլադիմիր Պուտինը Դոնեցկի եւ Լուգանսկի ժողովրդական հանրապետությունները ճանաչելու մասին հրամանագրի ստորագումից հետո հանձնարարել է Պաշտպանության նախարարությանը ապահովել ՌԴ Զինված ուժերի կողմից ԴԺՀ-ի եւ ԼԺՀ-ի տարածքում խաղաղության պահպանման գործառույթների իրականացումը։