կարևոր
3319 դիտում, 2 ամիս առաջ - 2022-02-22 17:23

Ռուսաստանն Ադրբեջանի հետ հարաբերությունների նոր փուլ է սկսում

Ռուսաստանն Ադրբեջանի հետ հարաբերությունների նոր փուլ է սկսում

ՌԴ նախագահ Վլադիմիր Պուտինը Ադրբեջանի ղեկավար Իլհամ Ալիևի հետ հանդիպման ժամանակ հայտարարել է, որ փետրվարի 22-ին Ադրբեջանի հետ դաշնակցային համագործակցության մասին հռչակագիր կստորագրվի։

«Սա, ակնհայտորեն, նոր փուլ է մեր հարաբերությունների զարգացման մեջ, և, իհարկե,  այն հնարավոր դարձավ, այդ թվում՝ ղարաբաղյան խնդրի կարգավորման հասնելուց հետո, որն ընդհանուր առմամբ դեռ ամբողջությամբ լուծված չէ, սակայն լուծման հարցում առաջընթաց կա»,- ասել է ՌԴ նախագահը։

Հանդիպմանը ՌԴ նախագահը նշել է, որ Արցախի հարցում կան վեճեր: «Աշխատելու բան կա, բայց մենք ամեն ինչ անելու ենք, որ գործընթացը խաղաղ ընթանա: Արդեն կան որոշակի պայմանավորվածություններ առևտրատնտեսական կապերի զարգացման, տրանսպորտային հաղորդակցության վերաբերյալ»,-նշել է Պուտինը:

Քիչ անց Պուտինը և Ալիևը բանակցությունների արդյունքները կներկայացնեն համատեղ ասուլիսում

Ավելի վաղ Կրեմլից հայտնել էին, որ բանակցությունների արդյունքներով դաշնակցային համագործակցության մասին հռչակագիր կստորագրվի, որը Ռուսաստանի և Ադրբեջանի միջև հարաբերությունները կհասցնի դաշնակցային մակարդակի։