կարևոր
6310 դիտում, 3 ամիս առաջ - 2022-02-21 16:21

Զարմանալի չէ փաշինյանաալիևյան սիրախաղի այս փուլում. Ռոբերտ Քոչարյանի գրասենյակի պատասխանը

Զարմանալի չէ փաշինյանաալիևյան սիրախաղի այս փուլում. Ռոբերտ Քոչարյանի գրասենյակի պատասխանը

ՀՀ երկրորդ նախագահ Ռոբերտ Քոչարյանի գրասենյակն արձագանքել է Ադրբեջանի կողմից արված հայտարարությանը՝ ՀՀ երկրորդ և երրորդ նախագահներին քրեական պատասխանատվության ենթարկելու և նրանց նկատմամբ հետախուզում հայտարարելու մասին.

«Տեղեկացանք նախագահ Քոչարյանի դեմ հարուցված հերթական քրեական հետապնդման լուրին: Զարմանալի չէ, որ Փաշինյանաալիևյան սիրախաղի այս փուլում դա արվում է նաեւ Ադրբեջանում:

Ազգային արժանապատվության գնով Ադրբեջանից խաղաղություն մուրացող ՀՀ իշխանությունները օգնություն են ստանում իրենց «կիրթ եւ կառուցողական» ընկերներից:

Չենք զարմանա, որ այս քրեական գործը միացվի Սիլվա Համբարձումյանի ցուցմունքներով կարված գործին, եւ մեր դատախազները, մեծ ջանասիրությամբ, այն կպաշտպանեն դատարանում:

Բագրատ Միկոյան
ՀՀ երկրորդ նախագահ Ռոբերտ Քոչարյանի գրասենյակի համակարգող
21.02.2022»:

Հավելենք, որ ՀՀ երրորդ նախագահ Սերժ Սարգսյանի գրասենյակը ևս արձագանքել է ադրբեջանի հայտարարություններին՝ նշելով, որ հատկանշական է՝ ՀՀ երկրորդ նախագահ Ռոբերտ Քոչարյանի և ՀՀ երրորդ նախագահ Սերժ Սարգսյանի  նկատմամբ երկրի ներսում հետապնդում են իրականացնում կապիտուլյանտ իշխանությունները, իսկ երկրից դուրս նրանց փորձում է հետապնդել կապիտուլյանտ իշխանությունների փաստացի դաշնակիցը դարձած ադրբեջանական իշխող կլանը: