կարևոր
5182 դիտում, 3 ամիս առաջ - 2022-02-21 15:45

Ադրբեջանցիները կրակել են Շոշ և Թաղավարդ գյուղերի մոտ տեղակայված հայկական դիրքերի ուղղությամբ

Ադրբեջանցիները կրակել են Շոշ և Թաղավարդ գյուղերի մոտ տեղակայված հայկական դիրքերի ուղղությամբ

Ադրբեջանի ՊՆ հաղորդագրության մեջ շարադրված փաստերն ամբողջովին կեղծ են:  Հրադադարը նշված հատվածում իրականում խախտել են ադրբեջանական ստորաբաժանումները՝ անկանոն կրակ բացելով ՊԲ դիրքերի ուղղությամբ:

Արցախի Հանրապետության պաշտպանության մամուլի ծառայությունը հայտնում է, որ հրադադարի խախտման հետևանքով տուժածներ և նյութական վնասներ չկան:

Ադրբեջանական ստորաբաժանումների կողմից հրադադարի խախտման փաստի մասին հաղորդվել է ՌԴ խաղաղապահ զորակազմի հրամանատարությանը:

Ավելի վաղ այսօր Ադրբեջանի պաշտպանության նախարարությունը հաղորդագրություն է տարածել, թե ՊԲ  ստորաբաժանումները  փետրվարի 20-ին  և 21-ին կրակ են բացել Շոշ և Թաղավարդ  գյուղերի հարակից տարածքում տեղակայված ադրբեջանական դիրքերի ուղղությամբ: