կարևոր
3037 դիտում, 4 ամիս առաջ - 2022-02-21 13:32

Չտրամադրել անձնական տվյալներ կամ ծածկագրեր. զգուշացում

Չտրամադրել անձնական տվյալներ կամ ծածկագրեր. զգուշացում

«ՀայՓոստ» ընկերությունը քաղաքացիներին հորդորում է զգուշանալ խարդախներից, չտրամադրել նրանց անձնական տվյալներ։

«Վերջին շրջանում առցանց տիրույթում խիստ ակտիվացել են խարդախները, որոնք, օգտագործելով անվճար հայտարարությունների տարբեր էջեր, ինչպես List.am-ը, նամակների ուղարկման տարբեր հարթակներ (էլեկտրոնային փոստով զեղծարարություն՝ ֆիշինգ), փորձում են տիրապետել անձնական բանկային տվյալներին: 

Կրկին ահազանգ ենք ստանում, որ ՀայՓոստի անվան և ապրանքային նշանի շահարկմամբ ևս մարդկանցից բանկային տվյալների կորզման փորձեր են արվում:

Հայտնում ենք, որ ՀայՓոստը տվյալ հաղորդագրությունների հետ որևէ առնչություն չունի:

Հորդորում ենք ձեռնպահ մնալ առցանց հարթակներում գրանցած էջերի ծածկագրերը, հեռախոսահամարները, անձնագրերի համարները և այլ անձնական տվյալներն անծանոթ անձանց տրամադրելու առաջարկներն ընդունելուց, ոչ մի դեպքում չտրամադրել  բանկային տվյալներ»,-մասնավորապես ասված է ընկերության հաղորդագրության մեջ։