կարևոր
3064 դիտում, 4 ամիս առաջ - 2022-02-19 00:02

Փետրվարի 19-ը Գիրք նվիրելու տոնն է

Փետրվարի 19-ը Գիրք նվիրելու տոնն է

Այսօր՝ ամենայն հայոց բանաստեղծ Հովհաննես Թումանյանի ծննդյան օրը՝ փետրվարի 19-ին Հայաստանում նշվում է Գիրք նվիրելու օրը։ 

Տոնը Հայաստանում նախաձեռնվեց 2008 թվականից՝ Գրողների միության նախկին նախագահ Լևոն Անանյանի առաջարկով: Նպատակն է ընթերցանության և գրքի նկատմամբ սերը ժառանգել նոր սերունդներին, նրանց հաղորդակից դարձնել գրականությանն ու հոգևոր-մշակութային արժեքներին:

Տոնի շրջանակում մայրաքաղաքում և ՀՀ մարզերում բազմաթիվ միջոցառումներ են իրականացվում: Գրախանութները տոնի կապակցությամբ գրքերը վաճառում են զեղչված գներով, հրատարակչությունները ընթերցասերներին նոր գրքեր են ներկայացնում, գրադարաններում ընթերցանության միջոցառումներ են կազմակերպվում: