կարևոր
2041 դիտում, 3 ամիս առաջ - 2022-02-17 18:53

Պեկին-2022. Վալիևան չհաղթարահեց օլիմպիական ճնշումները

Պեկին-2022. Վալիևան չհաղթարահեց օլիմպիական ճնշումները

Աշխարհի գործող չեմպիոն, ռուսաստանցի Աննա Շչերբակովը նվաճեց չեմպիոնի տիտղոսը Պեկինի 24-րդ ձմեռային Օլիմպիական խաղերի գեղասահքի կանանց մենասահքում։

Այսպիսով, Պեկինի ձմեռային օլիմպիական խաղերին նա Ռուսաստանի հավաքականին բերեց 5-րդ ոսկե մեդալը։

Ալեքսանդրա Տրուսովան էլ նվաճեց արծաթե մեդալը, նա կատարել է 5 քառացատկ` ցույց տալով իր կարիերայի լավագույն արդյունքը։

Կամիլա Վալիևան, որը կարճ ծրագրից հետո առաջատարն էր, սակայն վերջին ելույթում կատարելով մի քանի սխալ` գրավեց 4-րդ տեղը։ Նա չկարողացավ հաղթահարել այս բոլոր օրերին նրա վրա գործադրվող հսկայական ճնշումները։ Ելույթի վերջում նա ձեռքը թափահարեց, բայց կարողացավ զսպել արցունքները։ Բոլոր սպորտային մեկնաբանները պնդում են՝ գեղասահորդուհուն կոտրել են՝ զրկելով մեդալից։

3-րդ հորիզոնականը զբաղեցրեց ճապոնացի գեղասահորդ Կաորի Սակամոտոն։

Վալիևան 15 տարեկան է, նա Ռուսաստանի և Եվրոպայի գործող չեմպիոնն է, աշխարհի ռեկորդներ է սահմանել: Շչերբակովան 17 տարեկան է, նա աշխարհի գործող չեմպիոն է։ 17-ամյա Տրուսովան էլ աշխարհի առաջնության բրոնզե մեդալակիր է, նաև Եվրոպայի առաջնությունների 2 բրոնզե մեդալ է նվաճել: