կարևոր
2017 դիտում, 4 ամիս առաջ - 2022-02-17 12:00

«Մի վնասեք գիտությանը». գիտաշխատողները բողոքի ակցիա են իրականացնում

«Մի վնասեք գիտությանը». գիտաշխատողները բողոքի ակցիա են իրականացնում

Հայաստանի Գիտությունների ազգային ակադեմիայի Օրգանական եւ դեղագործական քիմիայի գիտատեխնոլոգիական կենտրոնի աշխատակիցներն այսօր՝ փետրվարի 17-ին, բողոքի ակցիա են իրականացնում Կառավարության շենքի առջեւ։

Գիտաշխատողները բողոքում են ինստիտուտի տարածքում նախատեսված բնակելի շենքի կառուցման դեմ։ Նրանց խոսքով՝ ինստիտուտի տարածքում բնակելի շենքի կառուցումն անթույլատրելի, որովհետեւ այն կարող է բերել ինստիտուտի քանդմանը:

Հիշեցնենք, որ «Գրին Փրոփերթի Դիվելոփմենթ» ՓԲԸ-ն նախատեսում է Երևանի Քանաքեռ-Զեյթուն վարչական շրջանի Ազատության 26/1 հասցեի ՀՀ ԳԱԱ նուրբ օրգանական քիմիայի ինստիտուտի մոտ գտնվող ջրավազանի զբաղեցրած հողատարածքում բազմաֆունկցիոնալ համալիր կառուցել:  Ընկերությունը գույքը ձեռք է բերել է 2019 թվականի մայիսին։

Գիտական կենտրոնի աշխատակիցները պնդում են, որ Ազատության պողոտայի սկզբնամասում գտնվող ՀՀ ԳԱԱ «Օրգանական և դեղագործական քիմիայի գիտատեխնոլոգիական կենտրոն» ՊՈԱԿ-ի նախկին տարածքում կառուցվելիք բարձրահարկ համալիրը վտանգի տակ է դնելու կենտրոնի գոյությունը

«Գիտական կենտրոնն ու բնակելի շենքն այդ հատվածում անհամատեղելի են։ Պատկերացրեք, եթե էքսկավատորներ աշխատեն, ինչպես ենք աշխատելու նման վիբրացիայի ու աղմուկի պայմաններում»,-հայտարարում են նրանք։