կարևոր
2260 դիտում, 4 ամիս առաջ - 2022-02-17 11:33

Հայաստանում ականներից մաքրվել է 413 872 քմ տարածք

Հայաստանում ականներից մաքրվել է 413 872 քմ տարածք

Փետրվարի 17-ն ականազերծման գործողությունների ազգային մարմնի՝ «Հումանիտար ականազերծման և փորձագիտական կենտրոն» ՊՈԱԿ-ի հիմնադրման օրն է։

11 տարի առաջ այս օրը՝ 2011 թվականի փետրվարի 17-ին ՀՀ կառավարությունը հիմնադրեց «Հումանիտար ականազերծման և փորձագիտական կենտրոն» ՊՈԱԿ-ը։

2016 թվականից «ՀԱՓԿ» ՊՈԱԿ-ը Սյունիքի, Վայոց Ձորի, Գեղարքունիքի, Տավուշի մարզերում նշագրել է 79 վտանգավոր տարածք՝ տեղադրելով 1464 վահանակ և 20 790 ժապավեն։

Մինչև 2021 թվականը ՀՀ-ում մաքրվել է 413 872 քմ տարածք, իսկ տեղական ինքնակառավարման մարմիններին հանձնվել է 241 759 քմ տարածք։ «ՀԱՓԿ» կատարած աշխատանքներից հետո էլ այսօր դեռևս 17 898 786 քմ տարածք մնում է ականային և պայթուցիկ զինամթերքի վտանգի ենթակա։

«ՀԱՓԿ» ՊՈԱԿ-ն համակարգում է հակաականային գործունեությունը Հայաստանի Հանրապետությունում։

Հակաականային գործունեությունը ներառում է պայթուցիկ զինամթերքի վտանգի իրազեկում, պայթուցիկ զինամթերքի հետազոտություն, նշագրում և մաքրում, տուժածների աջակցություն, պաշարների ոչնչացում և քարոզչություն։