կարևոր
1513 դիտում, 3 ամիս առաջ - 2022-02-16 10:55

Ադրբեջանական զինուժը խախտել է հրադադարի ռեժիմը, թիրախավորում է խաղաղ բնակչությանը

Ադրբեջանական զինուժը խախտել է հրադադարի ռեժիմը, թիրախավորում է խաղաղ բնակչությանը

Ադրբեջանի զինված ուժերը թիրախավորել են գյուղատնտեսական աշխատանք իրականացնող քաղաքացուն:

Փետրվարի 15-ին ոստիկանության Ասկերանի շրջանային բաժնում հաղորդում է ստացվել՝ Ադրբեջանի ԶՈՒ կողմից հրադադարի պահպանման ռեժիմի խախտման և խաղաղ բնակչությանը հերթական անգամ թիրախավորելու վերաբերյալ: Այս մասին  տեղեկանում ենք Արցախի Հանրապետության ՆԳՆ ոստիկանությունից:

Ստացված տեղեկությունների ստուգման արդյունքում Ասկերանի շրջանային բաժնի ծառայողները պարզել են, որ նույն օրը ժամը 15:30-ի սահմաններում Խրամորթ գյուղի վարչական տարածքում Խնապատ գյուղի բնակիչ Կ.Մ.-ն (ծնված 1983թ.) տրակտորով հերկ կատարելու ժամանակ,թշնամու մարտական դիրքից նրա ուղղությամբ արձակված կրակոցներից վնասվել է տրակտորի հետևի անվադողը:

Բաժնի պետ Արման Սարուխանյանի գլխավորությամբ դեպքի վայր են մեկնել շրջբաժնի ծառայողներն ու ռուսական խաղաղապահ զորակազմի ներկայացուցիչները:

Նախապատրաստվում են նյութեր՝ քրեական գործ հարուցելու համար: