կարևոր
1549 դիտում, 3 ամիս առաջ - 2022-02-14 11:05

Պեկին-2022. Ռուս գեղասահորդուհին կշարունակի մրցելույթները. մարզական դատարանը թույլատրել է

Պեկին-2022. Ռուս գեղասահորդուհին կշարունակի մրցելույթները. մարզական դատարանը թույլատրել է

Մարզական արբիտրաժային դատարանը չի բավարարել Միջազգային օլիմպիական կոմիտեի, Գեղասահքի միջազգային ֆեդերացիայի եւ Համաշխարհային հակադոպինգային գործակալության բողոքները: 15-ամյա ռուսաստանցի գեղասահորդուհի Կամիլա Վալիեւան կշարունակի մրցելույթները Պեկինի օլիմպիական խաղերի անհատական մրցաշարում։

Մարզական արբիտրաժային դատարանի հատուկ կոլեգիայի նիստը սկսվել է Պեկինի ժամանակով ժամը 20.34-ին ու ավարտվել ժամը 02.10-ին։

Վալիևան արդեն իսկ Ռուսաստանի հավաքականի կազմում օլիմպիական չեմպիոն է դարձել Պեկինի օլիմպիադայի թիմային մրցաշարում։ Հենց նա է թիմին բերել առավելագույն 20 միավորը` ռուսական թիմին թույլ տալով մեծ տարբերությամբ առաջ անցնել մոտակա մրցակից ԱՄՆ հավաքականից։ Մրցանակակիրների պարգևատրման արարողությունը պետք է կայանար փետրվարի 7–ին, սակայն հետաձգվել էր սկզբում մինչև փետրվարի 8–ը, այնուհետև անորոշ ժամանակով։

ITA–ում հաստատել էին, որ 2021–ի դեկտեմբերի 25-ին Վալիևայից վերցված թեստը դրական արդյունք էր տվել։ Այդ մասին Ստոկհոլմի հակադոպինգային լաբորատորիան ծանուցել էր փետրվարի 8-ին, որից հետո Ռուսաստանի հակադոպինգային գործակալությունը նրան ժամանակավորապես հեռացրել էր մրցումներից։

Նշենք, որ Վալիևան առաջին մրցումներն է անցկացնում մեծահասակների սահքում և իր մասնակցած ոչ մի մրցման ժամանակ չի պարտվել։ Նա հաղթանակներ է տոնել Եվրոպայի և Ռուսաստանի առաջնություններում, ինչպես նաև համաշխարհային ռեկորդներ է սահմանել կարճ և ազատ ոճերում։

Մարզիկը պետք է մասնակցի մենասահքի անհատական մրցումներին։ Կարճ ծրագիրը կկայանա փետրվարի 15-ին, ազատ ծրագիրը` փետրվարի 17-ին։