կարևոր
1498 դիտում, 4 ամիս առաջ - 2022-02-11 15:40

Սյունիքում գյուղատնտեսությունն աղետալի վիճակում է. Գորիսի փոխքաղաքապետն ահազանգում է.

Սյունիքում գյուղատնտեսությունն աղետալի վիճակում է. Գորիսի փոխքաղաքապետն ահազանգում է.

Գորիսի փոխքաղաքապետ Իրինա Յոլյանն ահազանգում է.

«Պատերազմից հետո գյուղատնտեսությունն աղետալի վիճակում է: Գորիս համայնքի  արոտավայրերի, ցանքատարածությունների  շուրջ 31 տոկոսը թշնամու վերահսկողության տակ է, անասնագլխաքանակը կրճատվել է մոտ 28 տոկոսով, այդ թվում՝ թշնամու կողմից գողացված: Սահմանին մոտ գտնվող ցանքատարածությունների զգալի մասը  չի մշակվել՝ մարդիկ վախեցել են մոտ գնալ սահմանին, քանի որ պարբերաբար վեճեր են տեղի ունեցել, սպառնալիքների դեպքեր են արձանագրվել: Վերոնշյալ խնդիրների հաղթահարման ուղղությամբ, որևէ համալիր ծրագիր չի իրականացվում, եթե գյուղատնտեսության ոլորտում առաջացած խնդիրների ուղղությամբ քայլեր չձեռնարկվեն, առաջիկայում պարենի լուրջ խնդիրներ են առաջանալու:

Առայժմ հայտնի չէ նաև, թե ինչ միջոցներ են ձեռնարկվելու օրինակ՝ պարարտանյութի, վառելիքի սուբսիդավորման հարցում, հակառակ դեպքում, սարսափելի թանկացումների ֆոնին, գյուղացին չի կարողանա հող մշակել, իսկ դրանից տուժողը միայն գյուղացին չէ լինելու, քանի որ  գյուղն է քաղաքը պահում»: