կարևոր
1183 դիտում, 3 ամիս առաջ - 2022-02-10 14:02

ԱԺ քննիչ հանձնաժողովը կքննարկի դատական համակարգի անկախության սպառնալիքները

ԱԺ քննիչ հանձնաժողովը կքննարկի դատական համակարգի անկախության սպառնալիքները

Հայաստան խմբակցության պատգամավոր Արամ Վարդևանյանը հայտնում է, որ 2022 թվականի փետրվարի 11-ին Ազգային ժողովի 334 դահլիճում, ժամը 14-00-ին տեղի կունենա քննարկում.

«Մի քանի օր առաջ հրապարակավ հրավեր էի ներկայացրել Բարձրագույն դատական խորհրդի նախագահ Ռուբեն Վարդազարյանին: Հաշվի առնելով այն, որ ի պատասխան հրավերի ստացել էի դրական արձագանք, աշխատանքային կարգով համաձայնեցվել է հանդիպման օրն ու ժամը:

2022 թվականի փետրվարի 11-ին Ազգային ժողովի 334 դահլիճում, ժամը 14-00-ին տեղի կունենա քննարկումը: Քննարկումը վերաբերում է իրավունքի ուժով ստեղծված քննիչ հանձնաժողովի գործունեության առարկային՝ դատական գործերի էլեկտրոնային մակագրման համակարգի փաստացի վերացում և կարգապահական վարույթներ դատավորների նկատմամբ: Կքննարկվեն նաև դատական համակարգի անկախության այլ սպառնալիքները: Քննարկումը լինելու է բաց բոլորի համար և հանրային»,-նշում է քննիչ հանձնաժողովի նախագահ Արամ Վարդևանյանը:

Հավելենք, որ Հանձնաժողովը ստեղծվել է 25.10.2021 թվականին «Ազգային ժողովի կանոնակարգ» սահմանադրական օրենքի 20-րդ հոդվածի 1-ին մասի համաձայն` պատգամավորների ընդհանուր թվի առնվազն մեկ քառորդի պահանջով: