կարևոր
1582 դիտում, 3 ամիս առաջ - 2022-02-09 17:14

Փաշինյանը նոր թվեր հրապարակեց

Փաշինյանը նոր թվեր հրապարակեց

Խորհրդարանում հարցուպատասխանի ժամանակ Նիկոլ Փաշինյանը հայտարարեց, որ վերջին մեկ տարում ադրբեջանական կողմին է փոխանցվել առաջին պատերազմին անհետ կորած համարվող 108 մարդու մարմին։ Առաջիկա օրերին մենք պատրաստվում ենք ևս 2 մարմին փոխանցել,- նշեց նա:

«Ադրբեջանն անընդհատ խոսում է այն մասին, որ առաջին պատերազմից հետո ունեն մոտ 4000 անհետ կորած։ Հայկական կողմը նույնպես ունի անհետ կորածներ՝ պաշտոնական թվերով 777։ 

Մենք ակնկալում ենք, որ նաև 44-օրյա պատերազմում մեր անհետ կորածների ճակատագրի պարզման հարցում նույնպես կհաջողվի համագործակցություն հաստատել։ Մենք 44-օրյա պատերազմից հետո ունենք 217 անձ, ում գտնվելու վայրն անհայտ է։ Պայմանավորվածություն է ձեռք բերվել  համագործակցել անհետ կորածների ճակատագրի պարզման հարցում։ Մենք դա համարում են հումանիտար հարց»,-ասաց նա։

Հիշեցնենք, որ օրերես Հայաստան վերադարձած գերիների մասին տեղեկությունները հայտնելիս՝ ադրբեջանական մամուլը շեշտեց, որ գերիները վերադարձրել են Արցախյան առաջին պատերազմում զոհված ադդբեջանցիների վերաբերյալ ինֆորմացիայի դիմաց։ Հաղորդագրության մեջ առանձին խոսվում է փետրվարի 4-ին Նիկոլ Փաշինյանի ու Իլհամ Ալիևի միջև կայացած հեռավար հանդիպման մասին։ Նշվում է, որ այդ հանդիպման ժամանակ Իլհամ Ալիևը բարձրացրել է Արցախյան առաջին պատերազմում անհետ կորած ադրբեջանցիների հուղարկավորման վայրերի վերաբերյալ Ադրբեջանին ինֆորմացիա տրամադրելու հարցը։ Բաքվից պնդում են, որ հայկական կողմը պարտավարություն է ստանձնել համագործակցել այդ հարցում։  Այդ հարցը ստացել է նաև Ֆրանսիայի նախագահի աջակցությունը։

Ավելի ուշ Փաշինյանը խորհրդարանի ամբիոնից հայտարարեց, որ 2020 թվականի 44 -օրյա պատերազմի հետեւանքով ունենք 3812 զոհ։ Նրանցից 3736-ը զինծառայող է, 76-ը՝ քաղաքացիական անձ։

Փաշինյանը հայտարարեց, նաև որ այս պահի դրությամբ 217 մարդու գտնվելու վայրը անհայտ է, որոնցից 196-ը զինծառայող է, իսկ 21-ը քաղաքացիական անձ։

ՀԻշեցնենք, որ հունվարին ՀՀ քննչական կոմիտեն հայտնել էր, որ Ադրբեջանի կողմից սանձազերծված ագրեսիվ պատերազմի հետևանքով Արցախի Հանրապետությունում և ՀՀ-ում զոհված զինծառայողների և քաղաքացիական անձանց ընդհանուր թիվը կազմում է 3809։ 19.01.2022թ. դրությամբ անհայտ է 199 զինծառայողի և 21 քաղաքացիական անձի գտնվելու վայրը։

Մինչև օրս Ադրբեջանի Հանրապետության կողմից Հայաստանի Հանրապետությանն է հանձնվել գերեվարված ընդհանուր 141 զինծառայող և քաղաքացիական անձ։