կարևոր
925 դիտում, 3 ամիս առաջ - 2022-02-07 23:18

Իրանի արտգործնախարը հայտնել է Հայաստանի հետ հարաբերություններն ընդլայնելու վճռականության մասին

Իրանի արտգործնախարը հայտնել է Հայաստանի հետ հարաբերություններն ընդլայնելու վճռականության մասին

Իրանի արտաքին գործերի նախարար Հոսեյն Ամիրաբդոլլահյանը հայտնել է Հայաստանի հետ հարաբերությունները տարբեր ոլորտներում ընդլայնելու երկրի վճռականությունը։
Իրանի արտգործնախարարը իր հայ գործընկեր Արարատ Միրզոյանին ուղղված ուղերձում շնորհավորել է երկու երկրների միջև դիվանագիտական հարաբերությունների հաստատման 30-ամյակի կապակցությամբ։

Իրանն առաջին երկրներից է, որը ճանաչել է Հայաստանի անկախությունը, նշել է Ամիրաբդոլլահյանը՝ ընդգծելով Թեհրանի վճռականությունը՝ խթանելու Երևանի հետ փոխադարձ և տարածաշրջանային համագործակցությունը։

Իրանի Իսլամական Հանրապետությունը ՀՀ անկախությունը ճանաչել է 1991 թ. դեկտեմբերի 25-ին: Երկու երկրի միջև դիվանագիտական հարաբերություններ են հաստատվել 1992 թ.-ի փետրվարի 9-ին Թեհրանում ստորագրված հռչակագրով։