կարևոր
1357 դիտում, 3 ամիս առաջ - 2022-02-07 22:15

Տավուշում ավտովթարից մեկ մարդ տեղում մահացել է

Տավուշում ավտովթարից մեկ մարդ տեղում մահացել է

Այսօր՝ փետրվարի 7-ին, խոշոր ավտովթար է տեղի ունեցել Տավուշի մարզում, հայտնում է Shamshyan.com-ը:

Ժամը 19:50-ի սահմաններում Նոյեմբերյանի տարածաշրջանի Զորական-Հաղթանակ ավտոճանապարհին՝ Զորական գյուղի վարչական տարածքում բախվել են ВАЗ 2101 և Ford Transit մակնիշի ավտոմեքենաները:

Վթարի հետևանքով 1 մարդ տեղում մահացել է, մեկը մարմնական վնասվածքներով տեղափոխվել է «Նոյեմբերյան» բժշկական կենտրոն:

Մահացածի դին ավտոմեքենայից դուրս են բերել փրկարարները:

Ոստիկանությունն ու քննչական բաժինը պարզում են վարորդների, մահացածի և վիրավորի ինքնությունը: Կայքը հայտնում է, որ Ford Transit-ը վրացական համարանիշներով է: