կարևոր
2395 դիտում, 3 ամիս առաջ - 2022-02-07 14:11

Վերադարձած ռազմագերիներից 4-ը Շիրակից է. մարզպետ

Վերադարձած ռազմագերիներից 4-ը Շիրակից է. մարզպետ

Գերեվարված ութ մեր հայրենակից վերադարձվել է Հայաստան: Օդանավը քիչ առաջ վայրէջք կատարեց:  Քիչ հետո տղաները կանցնեն բժշկական հետազոտություն եւ կապ կհաստատեմ նաև ընտանիքի անդամների հետ: ՀՀ Շիրակի մարզպետ Նազելի Բաղդասարյանը հայտնում է, որ վերադարձածներից 4-ը Շիրակի մարզից է՝ 

Թարզյան Սարգիս 
Գալոյան Գուրգեն 
Կյուրեղյան Գրիգոր 
Մալոյան Վաղարշակ:

Ավելի վաղ արտգործանախարարությունը հրապարակել էր Հայաստան վերադարձած 8 ռազմագերու անունները: 

Ըստ ադրբեջանական ԶԼՄ-ների՝ ռազմագերիներին վերադարձրել են Արցախյան առաջին պատերազմում զոհված ադդբեջանցիների վերաբերյալ ինֆորմացիայի դիմաց։ Հաղորդագրության մեջ առանձին խոսվում է փետրվարի 4-ին Նիկոլ Փաշինյանի ու Իլհամ Ալիևի միջև կայացած հեռավար հանդիպման մասին։ Նշվում է, որ այդ հանդիպման ժամանակ Իլհամ Ալիևը բարձրացրել է Արցախյան առաջին պատերազմում անհետ կորած ադրբեջանցիների հուղարկավորման վայրերի վերաբերյալ Ադրբեջանին ինֆորմացիա տրամադրելու հարցը։ Բաքվից պնդում են, որ հայկական կողմը պարտավարություն է ստանձնել համագործակցել այդ հարցում։  Այդ հարցը ստացել է նաև Ֆրանսիայի նախագահի աջակցությունը։