կարևոր
934 դիտում, 4 ամիս առաջ - 2022-02-06 14:05

Պեկին-2022․ Միքայել Միքայելյանը 47-րդն է սքիաթլոնում

Պեկին-2022․ Միքայել Միքայելյանը 47-րդն է սքիաթլոնում

Պեկինի ձմեռային Օլիմպիական խաղերում այսօր Հայաստանի մարզիկներից առաջինը մրցուղի է դուրս եկել դահուկավազորդ Միքայել Միքայելյանը 30 կմ սկիաթլոն մրցաձևում ՝ 15կմ  դասական ոճ + 15կմ ազատ ոճ:

Մրցմանը 34 պետության 70 դահուկորդ է մասնակցել։ Եզրագիծը կարողացել է հատել միայն 49 մարզիկ։ Դահուկորդ Միքայել Միքայելյանը զբաղեցրել է 47-րդ հորիզոնականը։

Միքայելյանը երկրորդ անգամ  մրցուղի դուրս կգա փետրվարի 11-ին՝ 15 կմ դասական ոճում:

Հայաստանը ձմեռային oլիմպիական խաղերում ներկայացնում են դահուկորդներ Միքայել Միքայելյանը, Կատյա Գալստյանը, Անգելինա Մուրադյանը, գեղասահորդներ Թինա Կարապետյան–Սիմոն Պրուլքս-Սենեկալ պարային զույգը: 

Փետրվարի 8-ին Կատյա Գալստյանը հանդես կգա արագավազքում (սպրինտ), իսկ փետրվարի 10-ին Գալստյանն ու Անգելինա Մուրադյանը պայքարի դուրս կգան 10 կմ դասական ոճում: 15 կմ դասական ոճում Միքայել Միքայելյանի մրցման օրը փետրվարի 15-ին է:

Ձմեռային օլիմպիական խաղերում Հայաստանի մյուս ներկայացուցիչների՝ գեղասահորդներ Թինա Կարապետյան–Սիմոն Պրուլքս-Սենեկալ պարային զույգի մեկնարկը փետրվարի 12-ին է: