Արտաքին աշխարհի հետ մեր հարաբերությունների ողջ հմայքը. Արմեն Գևորգյան

Մեր բնակչության մեծամասնության կողմից ոչ ստանդարտ մտածողությունն ու իրականության ընկալումը հերթական անգամ դրսևորվեցին Ամերիկայի հանրապետական ինստիտուտի սոցիոլոգիական հետազոտությունների արդյունքների հրապարակումից հետո։ Նրանց թիմն ուսումնասիրել է հայաստանցիների վերաբերմունքն իրենց արտաքին գործընկերների նկատմամբ: ՀՀ ԱԺ Տարածաշրջանային և Եվրասիական ինտեգրման հարցերի հանձնաժողովի նախագահ, Հայաստան խմբակցության պատգամավոր Արմեն Գևորգյանն ամփոփում է հետազոտության հիմնական արդյունքները.

«Եվ ահա ինչ է պարզվում.

- Հետազոտության արդյունքներով, ըստ այլ պետությունների հետ բարեկամական հարաբերությունների կարևորության, Ռուսաստանը նույնիսկ առաջին հնգյակում չէ, այլ վեցերորդ տեղում է՝ 64 տոկոսով։ Լավագույն հնգյակը բաղկացած է (նվազման կարգով)՝ Ֆրանսիա, Իրան, ԱՄՆ, Չինաստան, ԵՄ։ Այս տվյալներին ամերիկյան ծագման պատճառով չվստահելու պատճառ չկա։

- Ֆրանսիան 92 տոկոսով զբաղեցնում է պատվավոր առաջին տեղը։ Ֆրանսիայի և Ռուսաստանի միջև տարբերությունը բավականին զգալի է։ Ի դեպ, Վրաստանը յոթերորդ տեղում է՝ 58 տոկոսով։

- Հետաքրքիր է, որ հայերի համար բարեկամ առաջին վեց երկրները դիտարկելիս հակասական պատկեր է ստեղծվում այս երկրներում պետական կարգերի և հանրային հարաբերությունների առանձնահատկությունների առումով. ավանդաբար ժողովրդավարական երկրների խմբին են պատկանում երկու երկրներ՝ Ֆրանսիա, ԱՄՆ և ԵՄ-ն, իսկ երեք այլ պետություններ՝ Իրանը, Չինաստանը և Ռուսաստանը Ժողովրդավարությունների գագաթնաժողովին չեն հրավիրվել:

-Ակնհայտ է, որ երկրի բնակչությունը բավականին դրական է տրամադրված Չինաստանի նկատմամբ, սակայն իշխանությունները չեն մասնակցում Պեկինում Օլիմպիական խաղերի բացման արարողությանը։

-Իսկ տվյալների գլխավոր հմայքն այն է, որ Ռուսաստանը, այնուամենայնիվ, շարունակում է առաջատար դիրքեր գրավել, երբ հայաստանցիներին հարցնում են, թե ով կարող է լավագույնս օգտակար լինել երկրի քաղաքական, տնտեսական և անվտանգային խնդիրների լուծմանը։ Նրանք նաև ազնվորեն արձանագրում են, որ անհրաժեշտ է բարելավել հարաբերությունները առաջին հերթին հենց Ռուսաստանի հետ։ Այնպես որ, քանի որ մեծ մասամբ մենք դեռևս կապում ենք մեր բոլոր հիմնական խնդիրների լուծումը Ռուսաստանի հետ, ապա նա կարող է «չանհանգստանալ արևմտյան էքսպանսիայից» Հայաստանում։

Պարզապես ուշադրություն կդարձնեի ակնհայտ միտումներին»,- գրել է Գևորգյանը։

Հետազոտությանն ամբողջությամբ կարող եք ծանոթանալ այս հղումով: