ուղիղ եթեր փակել
Այս պահին Երևանում
+31°
ощущаетվя как +31°C
քիչ ամպամածություն
2 մ/վ քամու ուժգնություն
7
28.06.2022
USD 408.39 -1.25
GBP 499.79 -2.84
EUR 431.95 -1.57
GEL 139.03 -0.66
RUB 7.72 +0.03

Վերջին ավելացված հաղորդումներ

Ամենադիտվածներ

կարևոր
1234 դիտում, 4 ամիս առաջ - 2022-02-04 14:41

Դատարանը քննում է Արմեն Չարչյանի վերաբերյալ քրեական գործը. ՏԵՍԱՆՅՈՒԹ

Ընթանում է պրոֆեսոր, «Հայաստան» խմբակցության պատգամավոր Արմեն Չարչյանի վերաբերյալ քննվող քրեական գործով հերթական դատական նիստը։

Դատախազի բացակայության պատճառով նիստը հետաձգվեց: Հաջորդ նիստի օրվա և ժամի մասին դատարանը լրացուցիչ կհայտնի՝ կողմերի հետ համաձայնեցնելուց հետո:  

«Դատական նիստի ժամանակ հրապարակվելու է փորձաքննության եզրակացությունը, որով հաստատվել է, որ Արմեն Չարչյանի մոտ առկա հիվանդությունն անհամատեղելի է կալանավորման հետ»,- գրել է իր էջում Չարչյանի փաստաբան Էրիկ Ալեքսանյանը։

Հունվարի 20-ին Ալեքսանյանը հայտնել էր, որ ըստ փորձաքննության եզրակացության՝ Արմեն Չարչյանի մոտ փորձաքննության ընթացքում իրականացված հետազոտություններով պարզված ախտորոշումը համապատասխանում է ՀՀ կառավարության 2006 թվականի մայիսի 26-ի թիվ 825-Ն որոշման՝ «Որպես խափանման միջոց ընտրված կալանքը կամ պատիժը կրելուն խոչընդոտող ծանր հիվանդությունների շարքին եւ այդպիսով խոչընդոտում է նրա որպես խափանման միջոց ընտրված կալանքի համար»:

«Հարգելի հայրենակիցներ, վերը նշվածով եւս մեկ անգամ փաստվեց, որ Արմեն Չարչյանին 2021 թվականի հունիսի 23-ից մինչեւ 2021 թվականի դեկտեմբերի 10-ը կալանքի տակ պահելն եղել է ապօրինի»,- գրել էր Էրիկ Ալեքսանյանը։

Հիշեցնենք, որ 5 ամսից ավել գտնվելով կալանավայրում՝ պորֆեսորի առողջական վիճակը վատթարացել էր. որոշ ժամանակ նա գտնվում էր հիվանդանոցում, դատարանն էլ փորձագիտական հանձնաժողով պետք է ձևավորեր, որպեսզի Արմեն Չարչյանի առողջական վիճակը գնահատվեր և կալանքի հետ անհամատեղելի համարվեր: 

2021թ.-ի դեկտեմբերի 9-ին Սահմանադրական դատարանը հրապարակեց պատգամավորների անձեռնմխելիության վերաբերյալ որոշումը: Սահմանադրական դատարանը, ըստ էության, արձանագրեց, որ անազատության մեջ գտնվող պատգամավորի կարգավիճակ չունեցող անձը պատգամավորի կարգավիճակ ձեռք բերելու պահից չի կարող պահվել անազատության մեջ: Սահմանադրական դատարանի այս որոշումից հետո դատարանը որոշմամբ ազատ արձակվեց Արմեն Չարչյանը՝ նրա նկատմամբ խափանման միջոց կիրառելով ստորագրությամբ չհեռանալը: 

 

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS