կարևոր
1720 դիտում, 4 ամիս առաջ - 2022-02-04 14:21

Նախարար Կարեն Անդրեասյանը և Գագիկ Ջհանգիրյանը մերժել են ԱԺ քննիչ հանձնաժողովի հրավերը

Նախարար Կարեն Անդրեասյանը և Գագիկ Ջհանգիրյանը մերժել են ԱԺ քննիչ հանձնաժողովի հրավերը

Գագիկ Ջհանգիրյանը և Կարեն Անդրեասյանը հրաժարվել են ներկայանալ ԱԺ քննիչ հանձնաժողովին։ Հայտնում է ԱԺ «Հայաստան» խմբակցության պատգամավոր Արամ Վարդևանյանը։

«Ցանկանում եմ տեղեկացնել, որ 2021 թվականի հոկտեմեբերի 25-ին ստեղծվել էր ԱԺ քննիչ հանձնաժողով, որի գործունեությունը վերաբերում է մինչ օրս շարունակվող դատական համակարգի խայտառակ խնդիրներին: Այս ժամանակահատվածում հրավիրել էի քննիչ հանձնաժողովին տեղեկատվություն տրամադրելու համար՝ ԲԴԽ նախագահի պաշտոնակատար Գագիկ Ջհանգիրյանին, Արդարադատության նախարար Կարեն Անդրեասյանին: Քննիչ հանձնաժողովի գործունեությանը վերաբերող չափազանց կարևոր հարցերի պատասխան տալու փոխարեն այդ պաշտոնյաները պարզապես հրաժարվեցին ներկայանալ:

Հաշվի առնելով վերոգրյալը, դատական համակարգի նկատմամբ հարձակումների նոր շղթան, որպես քննիչ հանձնաժողովի նախագահ հրապարակավ հրավիրում եմ քննիչ հանձնաժողովի հարցերին հրապարակավ պատասխանելու համար ԲԴԽ նախագահ Ռուբեն Վարդազարյանին: Հրավերին դրական արձագանքի դեպքում, հայտնում եմ պատրաստակամությունս երկուստեք ընդունելի օր և ժամ որոշելու հարցում»,- գրել է Վարդևանյանը։

Խոսքը Ազգային ժողովի Դատարաններում գործերի՝ օրենքով սահմանված բաշխման կարգի խախտմամբ, ինչպես նաեւ Արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությունը խոչընդոտող փաստերն ուսումնասիրող քննիչ հանձնաժողովի մասին է: Այն ստեղծվել է 2021 թվականի հոկտեմբերի 25-ին, նախագահն է Արամ Վարդևանյանը: