ուղիղ եթեր փակել
Այս պահին Երևանում
+25°
ощущаетվя как +22°C
բաց երկինք
4 մ/վ քամու ուժգնություն
արևածագ: 05:40
20.05.2022
USD 458.98 -0.42
GBP 572.99 +1.96
EUR 485.74 +1.67
GEL 158.68 +1.35
RUB 7.81 +0.41

Վերջին ավելացված հաղորդումներ

Ամենադիտվածներ

կարևոր
1030 դիտում, 3 ամիս առաջ - 2022-02-02 17:57

Արցախի խորհրդարանը կդիմի Գերագույն դատարան

Արցախի խորհրդարանը կդիմի Գերագույն դատարան

Փետրվարի 2-ին գումարվել է Արցախի Հանրապետության ԱԺ 7-րդ գումարման 5–րդ նստաշրջանի առաջին նիստը։ Բացելով նստաշրջանը՝ խորհրդարանը հաստատել է նստաշրջանի և նիստի օրակարգերը։

Օրակարգի առաջին հարցը «Արցախի Հանրապետության Սահմանադրության փոփոխության մասին» նախագծի քննարկումն էր, որը  ներկայացրել է ԱՀ տարածքային կառավարման և ենթակառուցվածքների նախարար  Հայկ Խանումյանը։

Փոփոխությամբ առաջարկվում է Սահմանադրությամբ նախատեսված վարչատարածքային բաժանման վերանայման գործընթացի ժամկետները երկարաձգել՝ 5 տարին դարձնելով 10 տարի։

 ԱՀ Սահմանադրության հոդված 173. փոփոխվում է այսկերպ.

«Տարածքային քաղաքականության իրագործումը և վարչատարածքային բաժանման վերանայումը. 

1. Մինչև վարչատարածքային բաժանման վերանայումը գործում է 2006 թվականի Սահմանադրության 104-րդ հոդվածը:

2. Վարչատարածքային բաժանման վերանայումը պետք է իրականացվի Սահմանադրությունն ուժի մեջ մտնելուց հետո՝ ոչ ուշ, քան տասը տարում»:

Անձի համար այլևս Արցախում Սահմանադրություն չի գրվելու: Այս մասին ԱՀ Ազգային Ժողովի հերթական նիստի ժամանակ հայտարարել է ԱՀ ԱԺ նախագահ Արթուր Թովմասյանը:

«Գրվելու է ժողովրդի համար, դրա համար ժողովուրդն անպայման մասնակից է լինելու նոր Սահմանադրության փոփոխության քննարկումներին»,- նշել է Արթուր Թովմասյանը:

Նրա խոսքով՝ այստեղ միասնականությունը կարևոր չէ, կարևորը համերաշխ, հանդուժող լինելն է: «Կարևոր չէ՝ ինչ քաղաքական ուժեր են գալու պառլամենտ, կարևորն այն է, որ ստացած լինի ժողովրդի վստահության քվեն: Երկրի նախագահին ընտրելու է ժողովուրդը»,- նշել է ԱՀ ԱԺ նախագահը՝ կոչ անելով անպայման մասնակցել սահմանադրական փոփոխություններին:

Նախագիծը նախապես արժանացել էր գլխադասային հանձնաժողովի հավանությանը։ Այն առաջին ընթերցմամբ  միաձայն ընդունելուց հետո, խորհրդարանը 30 կողմ ձայնով ընդունել է նախագծի վերաբերյալ Գերագույն դատարան դիմելու մասին որոշումը։ Արցախի Հանրապետության Գերագույն դատարանն իրականացնում է սահմանադրական արդարադատություն՝ ապահովելով Սահմանադրության գերակայությունը:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS