Վերահստատում ենք՝ Մոնթեն Հայաստանի և Արցախի ազգային հերոս է

Վերջին շրջանում կրկին ակտիվացել են ադրբեջանական տարաբնույթ հարձակումներն իմ ֆեյսբուքյան էջի ու օգտահաշվի դեմ, ինչի հետևանքով արդեն զգալի սահմանափակումներ են դրվել դրանց նկատմամբ: Գրում է Արցախի պետական նախարար Արտակ Բեգլարյանը և մանրամասնում. 

«Այդ սահմանափակումները ֆեյսբուքը հիմնավորում է Մոնթեի վերաբերյալ գրառումներով՝ իրականացնելով անընդունելի գրաքննություն: Վերահաստատում եմ՝ Մոնթեն հերոս է, և ոչ մի ադրբեջանական ու ֆեյսբուքյան գրաքննություն կարծիքս չի փոխելու:

Ադրբեջանական հարձակումներն ու ֆեյսբուքյան սահմանափակումները չեզոքացնելու նպատակով՝ կխնդրեի աջակցել ֆեյսբուքյան էջիս տարածման հարցում՝ հետևելով ու հրավիրելով Ձեր ընկերներին հետևելու այն:

Բացի դրանից, կարող եք հետևել նաև իմ տելեգրամյան ալիքին և թվիթթերյան էջին, որոնք աստիճանաբար օգտագործելու եմ որպես ֆեյսբուքի այլընտրանք»,-գրել է նա:

Հավելենք նաև, որ Մոնթեի լուսանկարի և նրա մասին հրապարակումների պատճառով Երկիր Մեդիայի ֆեսյբուքյան էջը նույնպես մեկ ամսից ավել ենթարկվել է ֆեյսբուքյան գրաքննության: Էջը խիստ սահմանափակումների տակ է այժմ: Մեր խմբագրակազմը վերահստատում է՝ Մարտունու շրջանի ինքնապաշտպանական ուժերի հրամանատար Մոնթե Մելքոնյանը Հայաստանի և Արցախի ազգային հերոս է: