կարևոր
3181 դիտում, 3 ամիս առաջ - 2022-01-30 12:01

Ադրբեջանական օկուպացիայի մասին օրենքի նախագիծը Արցախի խորհրդարանի օրակարգում է

Ադրբեջանական օկուպացիայի մասին օրենքի նախագիծը Արցախի խորհրդարանի օրակարգում է

Արցախի Հանրապետության ԱԺ-ի խմբակցությունների նախաձեռնությամբ օրակարգ է մտցվել ադրբեջանական օկուպացիայի մասին օրենքի նախագիծ։

Մարդկային զարգացման միջազգային կենտրոնի նախագահ Թեւան Պողոսյանը գրում է.

«Հենց նոր զանգահարեց Արցախի Հանրապետության ԱԺ նախագահ Արթուր Թովմասյանը և հայտնեց շատ սպասված ու լավ լուր։ Հուսամ, որ փետրվարի 16-ի նիստում այն կանցնի առաջին ընթերցում, իսկ փետրվարի 20-ին, նաև իր խորհրդով, ամբողջական կընդունվի։

Արցախի ԱԺ-ի այս նախաձեռնությանը պետք է օժանդակել և օգնել, որ տեղեկատվական դաշտում կարողանանք մեր շեշտադրումներն անել։

Հուսամ` փետրվարի 13-ի խորհրդով և Միացում շարժման 34-րդ տարեդարձը կամրագրվի համայն հայության միասնությանը միտված գործողություններով»։

Նշենք, որ նախագիծը համահեղինակել են Արցախի խորհրդարանի հինգ խմբակցության ղեկավարները: