կարևոր
1186 դիտում, 3 ամիս առաջ - 2022-01-27 16:55

ՄԻՊ Արման Թաթոյանի 6 տարվա գործունեությունը. ՏԵՍԱՆՅՈՒԹ

ՀՀ մարդու իրավունքների պաշտպանի գրասենյակը տեսանյութ է պատրաստել, որտեղ ամփոփո ներկայացված է ՄԻՊ Արման Թաթոյանի 6 տարվա գործունեությունը: 

«Մեր աշխատակազմում գիտեն, որ ես հատկապես չեմ սիրում ոչ աշխատանքային օրերն ու ոչ աշխատանքային ժամերը, որովհետև դրանք ինձ համար բաց թողնված հնարավորություններ են ավելին անելու համար»,- ասում է Արման Թաթոյանը՝ շեշտելով, որ հաճախ են մարդիկ դիմումներում գրում, որ Մարդու իրավունքների պաշտպանի հաստատությունը վերջին հույսն է, որից սպասում են աջակցություն, իսկ դա ավելի է պարտավորեցնում ամեն կերպ հասնել հարցի դրական լուծման։ Արման Թաթոյանը մարդու իրավունքների պաշտպանի պաշտոնում է 2016թ.-ից։

Հիշեցնենք, որ փետրվարին Արման Թաթոյանն ավարտում է ՄԻՊ պաշտոնում իր աշխատանքը։ Շուտով նրան կփոխարինի Քրիստիննե Գրիգորյանը, որն արդեն ԱԺ «Քաղաքացիական պայմանագիր» խմբակցության կողմից ընտրվել է։  ՄԻՊ-ն ընտրվում է ԱԺ պատգամավորների ընդհանուր թվի ձայների առնվազն 3/5 -ով՝ 6 տարի ժամկետով։