կարևոր
1285 դիտում, 3 ամիս առաջ - 2022-01-27 13:52

Արայիկ Հարությունյանը կովիդ չէ

Արայիկ Հարությունյանը կովիդ չէ

Արցախի Հանրապետության նախագահ Արայիկ Հարությունյանը հունվարի 27-ին կորոնավիրուսի թեստ է հանձնել: Արցախի նախագահի մամուլի խոսնակ Լուսինե Ավանեսյանը նշել է, որ թեստի պատասխանը բացասական է:

«Արցախում պահպանվում են համաճարակով պայմանավորված սահմանափակումները և նախագահի բոլոր հանդիպումները և այցերը տեղի են ունենում հակահամաճարակային սահմանափակումների կանոններին համապատասխան», - ասել է Լուսինե Ավանեսյանը:

Արցախի նախագահ Արայիկ Հարությունյանը Նիկոլ Փաշինյանի հետ հանդիպել էր հունվարի 24-ին: Այդ օրը Փաշինյանի և Արցախի Հանրապետության նախագահ Արայիկ Հարությունյանի գլխավորությամբ տեղի էր ունեցել խորհրդակցություն՝ նվիրված Արցախում սոցիալական և ենթակառուցվածքային խնդիրների լուծմանը:

Հիշեցնենք, որ երեկ պարզ դարձավ, որ Նիկոլ Փաշինյանը եւս վարակվել է կորոնավիրուսով: Կովիդով վարակվել է նաեւ Ազգային ժողովի «Քաղաքացիական պայմանագիր» խմբակցության պատգամավոր Էդուարդ Աղաջանյանն ու էլի որոշ պատգամավորներ։

Այսօր էլ ՊՆ-ն հաղորդագորթւոյւն է տարածել, որով հայտնում են՝ ԳՇ պետի, բանակի ղեկավար կազմում մի շարք բարձրաստիճան պաշտոնյաների, ինչպես նաև հրավիրյալ որոշ անձանց մոտ կորոնավիրուս է հայտնաբերվել: այդ իսկ պատճառով ՀՀ զինված ուժերի կազմավորման 30-ամյակի միջոցառումը չեղարկվել է: 

Այս անձանց մեծ մասը մասնակցել է պաշտպանության նախարար Սուրեն Պապիկյանի հարսանիքին: