կարևոր
892 դիտում, 3 ամիս առաջ - 2022-01-25 11:52

«Դատալեքս»-ի խափանումը դեռ չի շտկվել

«Դատալեքս»-ի խափանումը դեռ չի շտկվել

«Դատալեքս» տեղեկատվական համակարգի խափանումն ունի զուտ տեխնիկական պատճառներ: Այս մասին հայտնում է Բարձրագույն դատական խորհուրդը։ 

«Համակարգի բնականոն աշխատանքի վերականգնման ուղղությամբ ակտիվ աշխատանքներ են տարվում այն սպասարկող ընկերության հետ: Խորհուրդը լիահույս է, որ համակարգի գործունեությունն ամբողջովին կվերականգնվի մոտակա օրերի ընթացքում:

Միևնույն ժամանակ, ցանկանում ենք տեղեկացնել, որ ձեռնարկվում են բոլոր հնարավոր միջոցները՝ հետագայում նմանատիպ խափանումները բացառելու համար»,- ասված է հաղորդագրության մեջ:

Ավելի վաղ ՀՀ Մարդու իրավունքների պաշտպան Արման Թաթոյանը բարձրաձայնել էր խնդրի մասին՝ նշելով, որ ատեղծված է խիստ մտահոգիչ վիճակ է` կապված ԴատաԼեքս էլէկտրոնային տեղեկատվական համակարգի հետ. տևական ժամանակ է, ինչ այդ համակարգում տվյալներ չեն մուտքագրվում: 

«ԴատաԼեքս համակարգում տվյալներ չհրապարակելը հատկապես մտահոգիչ է այն պայմաններում, երբ շարունակվում է դատական գործերի «ձեռքով» մակագրության մարդու իրավունքների խախտումներ առաջացնող արատավոր պրակտիկան»,- գրել է ՄԻՊ-ը՝ հավելելով, որ պետությունն իր անգործության կամ թերությունների պատճառով արգելափակում է մարդու սահմանադրական բողոքարկման իրավունքը՝ պատճառելով արհեստական դժվարություններ: