կարևոր
2239 դիտում, 3 ամիս առաջ - 2022-01-25 10:43

Առաջին ճակատամարտը կայանալու է Երեւանի ընտրությունների ժամանակ. «Հրապարակ»

Առաջին ճակատամարտը կայանալու է Երեւանի ընտրությունների ժամանակ. «Հրապարակ»

«Հրապարակ»-ը գրում է.

«Երեկ լուրեր տարածվեցին, թե Հայկ Մարությանը գրասենյակ է բացել եւ փորձելու է դրա միջոցով կապ պահել երեւանցիների հետ եւ համայնքային խնդիրներով զբաղվել։ Մեզ ասացին, որ այլ հեռահար ծրագրեր էլ ունի նախկին քաղաքապետը։

Ըստ մեր աղբյուրների, Մարությանը որոշել է նախընտրական դաշինք ձեւավորել, որով հետագայում կմասնակցի Երեւանի ավագանու ընտրություններին։ Բնականաբար, ցուցակի առաջին համարը կլինի ինքը։ Նա ծրագրում է դառնալ ընդդիմության միասնական թեկնածու։ Ընդդիմության ներսում արդեն իսկ որոշ քննարկումներ կան այս թեմայով՝ բոլորը հասկանում են, որ եթե ֆորս մաժոր չլինի, ապա առաջին ճակատամարտը կայանալու է 2023-ի սեպտեմբերին՝ Երեւանի ընտրությունների ժամանակ։

Եվ եթե ընդդիմությունը միավորվի, ապա մեծ է հաղթելու հավանականությունը, որովհետեւ Երեւանը, որպես կանոն, ընդդիմադիր է, եւ 2018 թվականի հաղթանակը կրկնելը ՔՊ-ի ու Նիկոլ Փաշինյանի համար շատ բարդ է լինելու։ Մնում է, որ ընդդիմությունը համաձայնության գա քաղաքապետի միասնական թեկնածուի շուրջ»:

Մանրամասները՝ թերթի այսօրվա համարում