կարևոր
940 դիտում, 3 ամիս առաջ - 2022-01-25 00:08

Կան փակ և դժվարանցանելի ավտոճանապարհներ, Աշոցքում, Ապարանում, Հրազդանում ձյուն է գալիս

Կան փակ և դժվարանցանելի ավտոճանապարհներ, Աշոցքում, Ապարանում, Հրազդանում ձյուն է գալիս

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։

Փակ է Արագածոտնի մարզում Ամբերդ ամրոցից դեպի Քարի լիճ տանող ավտոճանապարհը։

Վարդենյաց լեռնանցքը փակ է բեռնատարների համար, դժվարանցանելի՝ մյուս տրանսպորտային միջոցների համար։

Գեղարքունիքի և Սյունիքի մարզերի  ավտոճանապարհներին, Արագածոտնի մարզի Ապարանի և Արագածի տարածաշրջաններում, Արարատի մարզի Տիգրանաշենի ոլորաններում տեղ-տեղ մերկասառույց է։

Շիրակի մարզի Աշոցքի տարածաշրջանում, Արագածոտնի մարզի Ապարան, Կոտայքի մարզի Հրազդան քաղաքներում տեղում է ձյուն։

Արագածոտնի մարզի Նիգավան-Ալագյազ ճանապարհահատվածում բուք է։

Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Վարորդներին խորհուրդ է տրվում երթևեկել բացառապես ձմեռային անվադողերով։