կարևոր
1633 դիտում, 3 ամիս առաջ - 2022-01-24 17:38

Սայաթ Շիրինյանին բերման են ենթարկել. պաշտոնական աղբյուրները լռում են

Սայաթ Շիրինյանին բերման են ենթարկել. պաշտոնական աղբյուրները լռում են

Yerevan.Today-ի տեղեկությամբ «Հայաստան» դաշինքի անդամ, ոստիկանության գնդապետ Սայաթ Շիրինյանին բերման են ենթարկել և տարել անհայտ ուղղությամբ։

Ոստիկանության լրատվական բաժնից հայտնել են, որ տեղեկություն չունեն և խոստացել են կես ժամից ճշտել։ 

Սայաթ Շիրինյանի փաստաբան Բենիկ Գալստյանը հայտնել է, որ մոտ 30 րոպե առաջ դիմակավորված անձանց կողմից իր տան բակից բերման է ենթարկվել Սայաթ Շիրինյանը:

«Պարոն Շիրինյանի գտնվելու վայրի մասին մինչ այս պահը որևէ տեղեկություն չունեմ»,- գրել է փաստաբանը: 

Հիշեցնենք,որ դեռևս 2020 թ.-ի դեկտեմբերին Սայաթ Շիրինյանին մեղադրանք էր առաջադրվել բռնություն գործադրելու հրապարակային կոչեր հնչեցնելու համար: Մեկ տարի անց Երեւանի ընդհանուր իրավասության դատարանը՝ նախագահությամբ դատավոր Տաթեւիկ Գրիգորյանի, բավարարել էր պաշտպանի միջնորդությունը, ըստ որի՝ Շիրինյանի նկատմամբ ընտրված խափանման միջոց ստորագրությունը վերացվել էր։