կարևոր
1699 դիտում, 3 ամիս առաջ - 2022-01-23 21:41

Հրաժարական է տվել նաև նախագահի աշխատակազմի ղեկավարը

Հրաժարական է տվել նաև նախագահի աշխատակազմի ղեկավարը

Հանրապետության նախագահի հրամանով աշխատակզմի ղեկավար Էմիլ Տաարսյանն ազատվել է  զբաղեցրած պաշտոնից: Հրամանագրում նշված է.

«ԷՄԻԼ ՏԱՐԱՍՅԱՆԻՆ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՂԵԿԱՎԱՐԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ

Հիմք ընդունելով Սահմանադրության 139-րդ հոդվածի 1-ին մասը, ինչպես նաև Հայաստանի Հանրապետության աշխատանքային օրենսգրքի 112-րդ հոդվածը և «Հանրային ծառայության մասին» օրենքի 9-րդ հոդվածի 11-րդ մասը.

Էմիլ ՏԱՐԱՍՅԱՆԻՆ ազատել Հանրապետության նախագահի աշխատակազմի ղեկավարի պաշտոնից՝ համաձայն իր դիմումի»:

Նշենք, որ քիչ առաջ հրաժարական է ներկայացրել Հայաստանի Հանրապետության նախագահ Արմեն Սարգսյանը՝ հրապարակելով պատճառները: 

ՀՀ Սահմանադրության 144-րդ հոդվածի համաձայն՝ մինչեւ նորընտիր Հանրապետության նախագահի կողմից պաշտոնի ստանձնումը Հանրապետության նախագահի լիազորությունները կատարում է Ազգային ժողովի նախագահը: