կարևոր
1060 դիտում, 3 ամիս առաջ - 2022-01-21 12:24

Քրիստիննե Գրիգորյանն ազատվել է նախարարի տեղակալի պաշտոնից

Քրիստիննե Գրիգորյանն ազատվել է նախարարի տեղակալի պաշտոնից

Նիկոլ Փաշինյանը որոշում է ստորագրել Քրիստիննե Գրիգորյանին ՀՀ արդարադատության նախարարի առաջին տեղակալի պաշտոնից ազատելու մասին:

«Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Քրիստիննե Գրիգորյանին ազատել արդարադատության նախարարի առաջին տեղակալի պաշտոնից»,- ասված է վարչապետի որոշման մեջ:

Նշենք, որ Քրիստիննե Գրիգորյանը իշխող «Քաղաքացիական պայմանագիր» խմբակցության կողմից առաջադրել է Մարդու իրավունքների պաշտպանի թեկնածու: Ազգային ժողովի այսօրվա նիստի օրակարգում ներառված է նրա ընտրության հարցը: Մարդու իրավունքների պաշտպանին ընտրում է Ազգային ժողովը՝ պատգամավորների ընդհանուր թվի ձայների առնվազն երեք հինգերորդով, վեց տարի ժամկետով:

40-ամյա Գրիգորյանը 2009-ից եղել է Ազգային ժողովի նախ աշխատակազմի ղեկավարի, այնուհետև խորհրդարանի նախագահի իրավական հարցերով օգնականը։ 2018-ին եղել է փոխվարչապետի խորհրդականը, 2019-ին արդարադատության փոխնախարար է նշանակվել։

Գործող օմբուդսմեն Արման Թաթոյանի պաշտոնավարման ժամկետը կլրանա փետրվարին։