կարևոր
943 դիտում, 3 ամիս առաջ - 2022-01-21 12:00

Զբոսաշրջության կոմիտեի նախագահ է նշանակվել

Զբոսաշրջության կոմիտեի նախագահ է նշանակվել

Նիկոլ Փաշինյանը որոշում է ստորագրել Սիսիան Պօղոսեանին Զբոսաշրջության կոմիտեի նախագահ նշանակելու մասին:

«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝ Սիսիան Պօղոսեանին նշանակել զբոսաշրջության կոմիտեի նախագահ»,- նշված է վարչապետի որոշման մեջ:

Նշենք, որ ՀՀ էկոնոմիկայի նախարարության Զբոսաշրջության կոմիտեն մեկ տարուց ավել ղեկավար չուներ: Վահան Քերոբյանի նախարարության ընթացքում ազատվեց նախկին նախագահ Սուսաննա Սաֆարյանը: 

Սիսիան Պօղոսեանը Կանադայի մարկետոլոգներից է: Սիսիան Պօղոսեանն ունի Բիզնեսի կառավարման մագիստրոսի կոչում Տորոնտոյի Շուլիչ բիզնես դպրոցից՝ Մարքեթինգ եւ կազմակերպական վարքագիծ մասնագիտացմամբ: 15 տարվա աշխատանքային կարիերայի ընթացքում՝ Սիսիանը տարիներ աշխատել է սպառողական էլեկտրոնիկայի ոլորտում, հիմնականում աշխատանքային գործունեություն ծավալելով արտադրանքի կառավարման եւ մարքեթինգի ասպարեզում:

2019 թվականին թողել է աշխատանքային կարիերան Կանադայում՝ ճամփորդելու և աշխատելու Հայաստանում Birthright Armenia-ի միջոցով։ Աշխատել է Հայաստանի ամերիկյան համալսարանում (AUA) եւ Հայաստանի ֆուտբոլի ֆեդերացիայում (FFA)։

Վերջին երկու տարիներն անց է կացրել Տորոնտոյում որպես անհատ ձեռնարկատեր եւ որոշել է վերադառնալ Հայաստան «իԳործ» ծրագրի շրջանակներում