կարևոր
985 դիտում, 3 ամիս առաջ - 2022-01-20 17:55

Արարատ Միրզոյանը թուրք գործընկերոջից Անթալիա այցելելու հրավեր է ստացել. ԱԳն-ն քննարկում է հրավերը

Արարատ Միրզոյանը թուրք գործընկերոջից Անթալիա այցելելու հրավեր է ստացել. ԱԳն-ն քննարկում է հրավերը

ՀՀ արտաքին գործերի նախարար Արարատ Միրզոյանը ստացել և շարունակում է ստանալ այս տարվա ընթացքում տարատեսակ միջոցառումների, այդ թվում՝ Անթալիայի դիվանագիտական ֆորումին մասնակցության հրավերներ։

Այս մասին լրատվամիջոցներին հայտնել է ՀՀ ԱԳ նախարարի մամուլի խոսնակ Վահան Հունանյանը՝ անդրադառնալով Թուրքիայի արտաքին գործերի նախարար Մևլութ Չավուշօղլուի հայտարարությանը, թե Հայաստանը հրավիրված է Անթալիայի դիվանագիտական ֆորումին:

«ՀՀ ԱԳ նախարարությունը համապատասխան ընթացակարգով քննարկում է նախարարի՝ վերոնշյալ միջոցառումներին մասնակցության նպատակահարմարությունը։ Հանրությունը պատշաճ կերպով կտեղեկացվի կայացվելիք որոշումների մասին»,- նշեց Հունանյանը։

Նշենք, որ Թուրքիայի արտգործնախարար Մևլութ Չավուշօղլուն Անկարայի համալսարանում դիվանագետների հետ հանդիպմանն ասել է, որ մարտի 11-13-ն անցկացվելու է Անթալիայի դիվանագիտական 2-րդ ֆորումը, որին մասնակցելու հրավեր են ուղարկել բազմաթիվ երկրներ, հրավիրվածների ցանկում են նաև Հայաստանը, Հունաստանը, Կիպրոսն ու Իսրայելը։ Նրա խոսքով` արդեն 39 երկրի արտաքին գերատեսչությունների ղեկավարներ հաստատել են իրենց մասնակցությունը։