կարևոր
2269 դիտում, 3 ամիս առաջ - 2022-01-20 17:46

Ռուսական խաղաղապահ կոնտինգենտի հրամանատարությունն է որոշում Արցախի տարածք այցելելու կարգը

Ռուսական խաղաղապահ կոնտինգենտի հրամանատարությունն է որոշում Արցախի տարածք այցելելու կարգը

Ադրբեջանը քաջատեղյակ է օտարերկրյա քաղաքացիների՝ Արցախ մեկնելու կանոններին, նրանք պետք է նախապես տեղեկացնեն այդ մասին ռուս խաղաղապահներին։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան՝ պատասխանելով Ֆրանսիայի նախագահի թեկնածու Վալերի Պեկրեսի` Արցախ այցի և դրա վերաբերյալ Իլհամ Ալիևը սպառնալիքների մասին հարցին։

«Ադրբեջանա-ֆրանսիական հարաբերությունները պետք է մեկնաբանեն Բաքվի եւ Փարիզի ներկայացուցիչները»,- ասել է նա։

Զախարովան հիշեցրել է, որ Մոսկվան հավատարիմ է «այդ տարածքներ այցելելու հիմնական մոտեցումներին» և հիշեցրել, որ ռուսական խաղաղապահ զորախումբը տեղակայվել է Բերձորի (Լաչինի) միջանցքի շփման գծի երկայնքով՝ Հայաստանի, Ադրբեջանի եւ Ռուսաստանի ղեկավարների՝ 2020 թվականի նոյեմբերի 9-ի հայտարարության հիման վրա։ Սույն հայտարարության 6-րդ կետի համաձայն՝ միջանցքը գտնվում է ռուս խաղաղապահների հսկողության տակ։

Ռուսական խաղաղապահ զորախմբի հրամանատարությունն այցերի կարգ է սահմանել խաղաղապահ օպերացիայի իրականացման տարածք, այդ թվում՝ օտարերկրյա քաղաքացիների, միջազգային առաքելության կազմակերպությունների աշխատակիցների համար։ 

«Ռուսական խաղաղապահ կոնտինգենտի հրամանատարության կողմից է որոշվում խաղաղապահ գործողության տարածք այցելելու կարգը, այդ թվում՝ օտարերկրյա քաղաքացիների, միջազգային կազմակերպությունների աշխատակիցների, առաքելությունների և այլնի համար: Այդ կարգը լավ հայտնի է հայկական եւ ադրբեջանական կողմերին»,- պատասխանել է Զախարովան: