կարևոր
1477 դիտում, 3 ամիս առաջ - 2022-01-19 13:31

Ալեն Սիմոնյանի հարցը Սահմանադրական դատարանը կքննի բանավոր ընթացակարգով

Ալեն Սիմոնյանի հարցը Սահմանադրական դատարանը կքննի բանավոր ընթացակարգով

Ալեն Սիմոնյանին ՀՀ ԱԺ նախագահ ընտրելու ՀՀ Ազգային ժողովի 2021 թվականի օգոստոսի 2-ի թիվ ԱԺՈ-01-Ա որոշման՝ Սահմանադրությանը համապատասխանության հարցը որոշելու վերաբերյալ գործը, ՀՀ Ազգային ժողովի պատգամավորների ընդհանուր թվի առնվազն մեկ հինգերորդի դիմումի հիման վրա, Սահմանադրական դատարանը կքննի բանավոր ընթացակարգով` 2022 թվականի հունվարի 25-ին, ժամը 11.00-ին: 

Հիշեցնենք, որ դեռևս 2021 թվականի օգոստոսին ԱԺ «Հայաստան» եւ «Պատիվ ունեմ» խմբակցությունները դիմում են ներկայացրել ՍԴ՝ վիճարկելով Ալեն Սիմոնյանին ԱԺ նախագահ ընտրելու 2021թ. օգոստոսի 2-ի ԱԺ որոշման սահմանադրականությունը։

ՍԴ-ում որպես ներկայացուցիչ հանդես կգա «Հայաստան» խմբակցության պատգամավոր Արամ Վարդեւանյանը: