կարևոր
772 դիտում, 3 ամիս առաջ - 2022-01-18 21:35

Ֆրանսիայի անտգործնախարարը դատապարտում է Ալիևի «անընդունելի արտահայտությունները»

Ֆրանսիայի անտգործնախարարը դատապարտում է Ալիևի «անընդունելի արտահայտությունները»

Ֆրանսիայի արտգործնախարար Ժան-Իվ Լը Դրիանը, այսօր երկրի խորհրդարանում պատասխանելով պատգամավորների հարցերին, հայտարարել է, որ անընդունելի են ադրբեջանական սպառնալիքները: Ինչպես հաղորդում է Figaro-ն` նախարարը դատապարտել է Ադրբեջանի նախագահի «անընդունելի արտահայտությունները»՝ Արցախի Հանրապետություն կատարած այցից հետո Վալերի Պեկրեսեի հասցեին հնչեցրած սպառնալիքները։

«Նախագահ Ալիևի խոսքերը վերաբերում են ընտրովի պաշտոնյային և Ֆրանսիայի նախագահի թեկնածուին, դրանք անընդունելի են ըստ էության և ըստ ձևի։ Ես այդ մասին հայտնել եմ Ֆրանսիայում Ադրբեջանի դեսպանին»,-ասել է նա։

Օրերս Ֆրանսիացի պատգամավորները երկրի նախագահ Էմանուել Մակրոնին դիմում էին հղել Իլհամ Ալիևի հնչեցրած սպառնալիքներին ի պատասխան քայլեր ձեռնարկելու վերաբերյալ։ Պեկրեսը ևս մեկնաբանել է Ալիևի սպառնալիքները՝ նշելով, որ նման սպառնալիքներն իրեն չեն վախեցնում, և զարմանք հայտնել, որ «ֆրանսիական դիվանագիտությունը լռում է»։

Հիշեցնենք, որ Հանրապետական կուսակցության կողմից Ֆրանսիայի նախագահի թեկնածու Վալերի Պեկրեսը մեկնել էր Արցախ 2021-ի դեկտեմբերի 21-ին։