կարևոր
880 դիտում, 3 ամիս առաջ - 2022-01-18 15:12

Արցախի Հանրապետության ներքին գործերի նախարարությունն այսուհետ ունի հոգևոր սպասավոր

Արցախի Հանրապետության ներքին գործերի նախարարությունն այսուհետ ունի հոգևոր սպասավոր

Արցախի Հանրապետության ներքին գործերի նախարարությունն այսուհետ ունի հոգևոր սպասավոր, այսօր կատարվել է առաջին օրհնության կարգը:

Ծառայության նորանշանակ հոգևորական Տեր Ներսես քահանա Ասրյանն այսօր առավոտյան հանդիպել է որոնողական աշխատանքներ իրականացնող ստորաբաժանման ծառայողներին, կատարել օրհնության կարգ, աղոթել առ Աստված՝ առաքելության անշեղ ընթացքի համար: Տեր Ներսես քահանան նշել է, որ մտահղացումը ՆԳ նախարար Կարեն Սարգսյանինն է, որին համաձայնել է Արցախի թեմի առաջնորդը։

Հաշվի առնելով, որ Ադրբեջանի վերահսկողության տակ անցած տարածքներում դեռևս շարունակվում են զոհված և անհետ կորած համարվող զինծառայողների և քաղաքացիական անձանց աճյունների որոնողական աշխատանքները՝ առաջին օրհնության կարգը մատուցվել է արագ արձագանքման հատուկ ստորաբաժանման օպերատիվ խմբերի հետ։

Հոգևորականը բարձր է գնահատել նախանշված գործնթացներում ԱԻ պետական ծառայության անձնակազմի նվիրումը և վստահեցրել, որ յուրաքանչյուր հարցում պատրաստ է իր հոգևոր ծառայությամբ ու խորհուրդներով կանգնել նրանց կողքին:

Նշվում է, որ ԱԻՊԾ և ոստիկանության ծառայողների հետ հանդիպումներն այսուհետ կրելու է շարունակական բնույթ: