կարևոր
1156 դիտում, 3 ամիս առաջ - 2022-01-17 19:11

Վարանդայում որոնողական աշխատանքներն արդյունք չեն ունեցել

Վարանդայում որոնողական աշխատանքներն արդյունք չեն ունեցել

2020 թվականի ռազմական գործողությունների ընթացքում զոհված և անհետ կորած զինծառայողների ու քաղաքացիական անձանց աճյունների (մասունքների) որոնողական աշխատանքներն այսօր փրկարարական մեկ ջոկատով իրականացվել են Վարանդայի (Ֆիզուլի) շրջանում: Տեղեկությունը հայտնում են Արցախի Հանրապետության ՆԳՆ արտակարգ իրավիճակների պետական ծառայությունից։

«Ցավոք, այդ աշխատանքներն այսօր էլ արդյունք չեն տվել, որի պատճառ են եղել նաև եղանակային անբարենպաստ պայմանները»։

Հիշեցնենք, որ զինադադարից հետո մինչ օրս հայտնաբերվել և հաստատվել է 1705 աճյուն:

Որոնողական աշխատանքների առաջիկա ուղղությունների և արդյունքների մասին ԱԻ պետական ծառայությունը կտրամադրի հավելյալ տեղեկություն: