կարևոր
886 դիտում, 1 օր առաջ - 2022-01-15 21:40

Երկուշաբթիից Վրաստանում կգործեն ինքնամեկուսացման նոր կանոններ

Երկուշաբթիից Վրաստանում կգործեն ինքնամեկուսացման նոր կանոններ

Հունվարի 17-ից Վրաստանում փոխվում են կորոնավիրուսի պանդեմիայով պայմանավորված կարանտինի և ինքնամեկուսացման կանոնները։ Jnews-ի փոխանցմամբ՝ պատվաստված\չպատվաստված և կորոնավիրուսով հիվանդացած անձանց համար ժամկետները տարբեր են լինելու:

Ժամկետները հետեւյալն են.

  • ասիմպտոմատիկ/թեթև դեպքերում դա կլինի 8 օր, ոչ պակաս, քան 24 ժամ ախտանիշների ի հայտ գալուց հետո, և խորհուրդ է տրվում դիմակ կրել մեկուսացմանը հաջորդող 5 օրերին:
  • Հիվանդության միջին և ծանր ընթացքի դեպքում ժամկետը առնվազն 10 օր է: Ակնհայտ է, որ պետք է լինի զգալի բարելավման դինամիկա վերջին 24 ժամում։ Այս դեպքում ևս, մեկուսացման ավարտից հետո հաջորդ 5 օրում անհրաժեշտ է խստորեն կրել դիմակ:

Ինչ վերաբերում է վարակակիրների հետ շփում ունեցած անձանց, ապա այստեղ ևս ժամկետները կրճատվում են: Այն դեպքում, երբ անձը պատվաստված է, ինչպես խթանիչ պատվաստանյութով, այնպես էլ երկու դեղաչափով, երկու շաբաթվա ընթացքում՝ պատվաստումից 90 օր հետո նրանց համար կարանտինը վերացվում է:

Հիվանդությունից հետո 60 օրվա ընթացքում կարանտին կարող են չանցնել նաև նորից վարակվածները, բայց պայմանով, որ խստագույնս պահպանվի դիմակ կրելու ռեժիմը՝ վարակված անձի հետ շփվելուց հետո 10 օրվա ընթացքում:

Ինչ վերաբերում է չպատվաստվածներին, ապա նախկինի պես ուժի մեջ է մնում կարանտինը, վարակակրի հետ շփում ունենալուց հետո 8 օր պետք է կարանտին անցնի և դիմակ կրի առնվազն 9-ից 12 օր:

Փոփոխություններն ուժի մեջ կմտնեն երկուշաբթիից: